| 4 | ЯКСТЕРЕ ТЕШТЕ. | № 3 |
| Кодат вирть и вирь ало модат нолдазь kрестьянстванень. |
1918 годсто ульнесть нолдазь закон виренть кувалт косо ефтазь, што весе вирьтне, кодат и кинь бу сынь авольть уль ащить государствань кецэ.
Тень кувалт весе модатне, косо анцяк касть кодат как рощат, хоть крестьянской велень мода лансксо, нельзят ульнесть токшемс.
Крестьянстванень те пек неудобна ульнесь, ды лесничейнень гак ульнесь ламо робота, самовольной керямотнень кувалт.
1. Августсто 1923 годсто Советской властесь нолдась лия закон и нетне ошибкатне витинде.
Омбоце статьясонть ней ефтазь што весе вирьтне, конат ульнесть рамазь велес седикеле, и вирьтне конат тейсть неудобной клинт велень паксяс, кодавить велетненень сынстяст безсрочно и стяко.
Наркомзем нолдась тень кувалт Инструкция, конань седе тов печатасынек газетс. Се инструкциясонть ули ефтазь кода седе курок и парсте теемс те тевенть.
Кажной уездсо улеме кармить комисият, конат кармить ванкшномо кодат вирть кадомс крестьянствань кедьс.
Вот кодат кодавить вирть крестьянстванень.
Пакся кунчкава рощатне, сенокосонь таркатне, выготнэ, роща колкатне и весе виртне, конат 1917 годтонть икеле эсть ульне велень кецэ.
Нетне вирьтне, конань максцызь веленень, весе касыця виресь тук безплатна крестьянстванень.
Комисияфтомо туить велес вирьтне, косо седикеле ульнесь пашня, а мейле касць вирь и истят участкатне, конат умок числятся вирь ало, конань крестьянства рамакшныне помещикень кедстэ чищабакс, но мекскак эсть кенерь урядамость.
Комисиясь вансынде еслн* сынь маштовить крестьянстванень, то кадсызь тест. Инструкциясонть улеме карми ефтазь знярушка и кодат участкат можна максомс чищаба алов.
Паро виртнень истямо таркава государства карми нолдамо ярмакто крестьянстванень, а остатканть ланкс, кона кодови теи торги.
Весе нетне вирень максома тефне штобо прядомс 1 октябряс 1924 г.
| Ломаненти „вершки“ а офтонти „корешки“. |
Миникь велесэ войнадонть икеле ве грамотный ломань получась журнал „крестьянин“. Журналонть крышанзо ланксо ульнись рисовазь мужик сэнь понксцо и карьцо.
— Петра ляляй, таго теть десятникись сокиця ялга кандэ — пеетькшнысть Петра ланксо шабранзо.
Видись весть Петра чиньчарамот. Модась ульнесь жирный, кизось начколь. Чиньчарамотьне ульнесть парт, анцяк акенерилт. Превензэяк машсть Петрань.
Тусть тензэ од журнал и сон мусь тосто паро совет.
— Если — кортэ журналось — чиньчарамотьне пек дроцеть и акенерить, то эряве яжамс сынст алце лопаст и кадумс анцяк колмо-ниле вере лопат. Кода сонзэ ламо лопанзо, сон анцяк дроце.
Петра радувась и яжиньзе альне лопатьнень, а пайщикинзэ раксить лансунзо.
— Минь кортыникь теть, Петра, ламо иля ловно, ато азаргадат.
Петра кашт моле.
Ютась недля, ютась омбоце, Петрань чиньчарамонзо кармасть кенереме, а пайщикнень — пижеть.
Сестэ кармась уж Петра пеешкнеме пайщикинзэ ланксо.
— Тынк, цёрат, уманк ланксо рай!
Сась чинчарамонь урядама шкась. Петра получась десятинастонть ведькемень понт, а шабранзо покш корет получасть. И лисць роботась рузынь побасканть лаца: „мужику — вершки, а Мишке — корешки“.
— Ки тонь тонафтыньзить, Петра, те тевенти? — кевкснесть эйсонзэ шабранзо.
— Се ялгам, кона ланкса тынь пеетькшниде. Мон кисонзо пондынь 2 целковойть, а сон превть максць тенькавто сятт целковоень питьне. Тынь жалятадок кинигань кис целковой, а емафтадок сядо целковойть Тынь яла роботатадок ташто атятьне лацо, а сень аздасынк, что эрямось ве таркасо аяште, сон чие икелев, а тынь яла нувситядок и кадувиде пекь удалов. Ульнись шка, знярдо ломатьне воювасть мокшнасо (кулаксо), да дубинкасо, а ну-ка ней листя дубинкат марто пулеметонь карчо!
Значить нужанть карчонк эрявить од орудият, од превть. А не превтнень мусынек кинигасто и журналсто — истя отвечась Петра ломатьнининь.
Миньдяк Петра лялянь лацо весеменень мердянок: илядо жаля ярмакунк кинигань и газетань кис. Кона ловне и тонафне, се эрямочистонь пурна „вершки“, а кона а ловне и нувсе, сенень кодовить, офтынть лаца „корешки“.
Яку ляляй.
| Рау лангонь товзеро. |
| (Месть кортыть опытной станциятнень эзга). |
Самарской и Саратовской губерниянь сюровидицятне, войнадонть икеле, пеледензэ, ламо паксяст видьнилизь товзеродо.
Куть яровой товзерось тосо пек покш урожай эзь максне, потому что сеть губерьнятнень эзга пек сеетсто пизимет аэрцить.
А озимой товзерось секс пек эзь тукшно тевс что тосо телесь эрьце пек якшамо. И если паксянтей апры ламо лов, то сондо чавносэ кельме.
Но товзерось седе питней розьденть, ды лия масторсо эрицятнеяк сонзо седе курок рамсилизь.
Секс и Безенчукской опытной станциясо, Самарской губерьнясо и Саратовской ппытной* станциясо нек кармасть те мельга заботямо, чтобы сон максоволь покш урожай.
| Кодамо сюродо мейле видемс товзеронть. |
Раунть (Волганть) чирева эриця сюровидицятне, кува ветить ишо колмо паксява видима кой, яровой товзеронть видьнесызь розь модас а лиясто и товзеро модас.
Опытной станцатнень эзга икелей гак кундасть те тевентей, — кодамо сюродо мейле сон седе нарсте шаче.
Опытной станцатне тейнисть зняроята опытт. Сынь видьнизь санзо и товзеродо, и розьдэ, и картухадо, и секладо, и кукурузо, и тыквадо, и чиньчаромодо, и морковдо мейле.
Товзеронь урожайтне эрьцесть эрьва кодамо сюродо мейле истят:
| Саратов. опыт. стан. |
Безенчукск. опыт. стан. | ||||
| Товзеро | мейле | 67 | понт. | 55 | понт. |
| Картухадо | „ | 80 | „ | 61 | „ |
| Секладо | „ | 70 | „ | 61 | „ |
| Кукуруздо | „ | 81 | „ | 60 | „ |
| Чиньчарамодо | „ | 71 | „ | 58 | „ |
| Кснавдо | „ | 71 | „ | 60 | „ |
| Морковдо | „ | 83 | „ | 63 | „ |
| Тыквадо | „ | 88 | „ | 63 | „ |
Тень эйсто минь несынек, что товзерось сех. пек шаче тыквадо мейле.
Урожаесь эре комсь пондодо седе ламо, кода сон ульнесь видефт товзеро модава.
Истяжо паро урожай эрьце морковдо, кукуруздо, картухадо и кснавдо мейле. И седе берянь чиньчаромодо и секладо мейле.
Саратовской губернява эмеждо мейле видьнефт товзерось макснись урожай 13—15 пондодо ламо, кода розь эле товзеро модас видьнефтось, а Самарской губернясо 5—8 пондодо ламо десятинастонть.
Если яровой товзеронть видьнелизь розьде мейле, кона ульнесь видефт май месецтэ паряфт парина модас, то Саратовской опытной станциясо сон макснесь среднем 66 понт десятинастонть. Знама, седе ламо, чем товзеро модас видонефтось и седе аламо, чем эмежде мейле видьнефтось.
Если сонзо видемс парина модас, то сон яла-теке седе покш урожай амаксэ, кодашка максэ эмеждо мейле видефт товзерось. А лезэсь кодамо уле, если модат, карме аштеме кизонь-берть чаво?
Если паксязот видят кодат-как эмешт: картухат, моркофт, тыкват и лият, то моданть тон кизонь-берть чефтелгавсак мотыгасо, кода эряви. И сонзо ланксо акарме улеме, рана паряфт моданть лацо, ве тикшонияк.
Кода и коле сокамс моданть, — сень кувалт сёрмадан мейле.
В.
| МЕСТЬ СЕРМАДЫТЬ ВЕЛЕСТЭ |
| Эрзянь велесэ. |
Пандо ало, серовно кирьмецязь, ащи апокш эрзянь велине. Анцяк маласто фатят, што веле. Кудо претне и лато претьне весе вельтязь ловсо, ульця кунчкава, серовно покш пант ащить лов куцят. Ульцятне чавот, анцяк кой госто неят вейке кавто ютыцят.
Валске марто рана тесэ тосо вальмава неяви кой-кона кудосонт палы тол. Турбатнень эйстэ столбом лиси качамо, эзинь кенерь мон колдовойстэ совамо, лиснинь почт мельга, маряса ки бути сы. Неяви Микита атя кели лов потмова. Эзь пачкоть малав и мери: — марить?
— Мезе? — кевкстия мон, наверна, думан таго меньгак чипуха нолдасть.
— Мерить Ленин кулось, исяк чокшне уш промкс кудосо басясть,
— Зря, наверно, Микита ляляй.
— Адя промкс кудов.
Сыргинек кавунек, мольдяно.
Промкс кудось уш пешксе. Амарявнть анцяк спорицять, пижницят. Весе кашт молить.
— Значит, виде — думинь эсь пачкан.
Весе горлаттне промсть, а шум арась. Сась писэрь. Кажной максы ки, скорей ютазо.
Весе ваныть писэрь ланкс. Таргась писэрь конев, кармась ловномо: 21 января в 6 час. 50 м. в Горках около Москвы, скончался Владимер Ильич Ленин. — Буто мерят, аволь икелень чумиця атятне ащить тесэ. Аволь сынст эйстэ ли ульнесть пижницят, мекс пек ламо налог саить.
Ней весе кашт молить. Кой кинь повнень-повнень мещендэ ланкс чудить сельведендэ.
— Стака тенек ульнесь нетне толтнэнь — пшкаць седой Карпа атя, — а яла теке жаль маряви. Аздасынекак, а кода бути сон, вечкевсь.
— Кие ней полавцы сондэ? друк пшкоцить ветешка атя.
Эрзя.
| Глухой уголсто |
| (с. Подлесная Тавла Кочкуровской вол., Саранского у., Пензенской губ. |
Минекь велесь кармась аламонь-аламонь сыргозема получинек эрзень газет „Якстере Теште“ Бурнайкин ялганть лемс и ламот пек охотнасто ловнылизь
Кода сакшность оймсеме роштувань каникулсто кавто эрзянь студент Московсто, миньциник велень ломатть, тейсть Культурно-Просветительной Кружок, сразу сёрматсть членск 20 ялгат и согласясть тееме спектакль. Налксисть колмо пьесать: 1) «Черный день пахаря», 2) „Отом как дьяк попал в просак“ и 3) „Роки туво“ Учильщась пешксель. Кодамояк чум арасель. Весемень мельц пек тусь и кевкснить знярдо ули таго спектакль. Ней студентне тусь мекей Московов и минь кучтанок тенст покш пасиба. Истямо жо пасиба эрзень газетань редакциянтень сельмень панжумань кисэ.
| Н. Ф. Бурнайкин. |
| ||||||||||||||
| Главлит № 17863. Москва. | Типография «Красный Восток» Никольская, 10. | Тираж 2000. |
