| 2 | ЯКСТЕРЕ ТЕШТЕ. | № 6 |
уездга улить эрзень секцият Губкомсо и Губернской Отд. Народного Образования. Кинень эряви понгомс покш учильняс, то кочудо заявления эсинк секцияв примерна Самарскойть Самаров, эли уездной секцияв, штобо примавлидизь кодамос тенк эряви. Эще вот мезе мон тенк евтан сазорнэть. Минек ней эрьва губернява улить Педагогическ техникумт, козой тыньдянк эряви молемс тонафнеме учительницакс. Если мейле тынць карматадо тонафтомо, сестэ тевтне парт кармить улеме. Од тейтернетненень эряви сермадстомс комсомолкас, сестэ седе курок тынь листядо темнастасто.
Еще вот мезе сазорнэть, тынь эрятядо велесэ, кода кармить пурнамо велень совет пурнадо эсинк пельде советс ават.
Капшадо седе курок тонафнеме, а если виенк асатыть, беднойтядо, сермадодо тень кувалт эрзень секциянтей, кона тенк хлопочи казнасто помочь.
Сермадстодо членокс союзс, тосояк, пародо башка мезеяк анейдядо.
Тедеде ламо кармить примамо Толкайской педтехникум 60 ломань, Самарской губсовпартшколав 30 ломань. Эрьва уездга улить педтехникумт, козой кармить примамо эрзят 30%.
Самарсо ули Медиц. техникум, косо тонафтыть акушеркат фельшерицат, кие арси тонафтнеме тосо, кучодо заявленият эрзянь секцияв Губоно.
Сазорнэть тейтерть капшадо тонафнеме.
Башаев.
| Советской Россиява. |
| Рыков ялгась туи Кавказов. |
Аволь умок председатель Сов. Нар. Комис. А. И. Рыков, пек сэрець. Ней кармась пичкамо и врачне мерсть тендэ молемс Кавказов оймсеме. Оймсема времанть сондэ таркасо кармить роботамо зэместителендэ Лев Борисович Каменев и Александр Дмит. Цюрупа.
| Маны получазь видьметнеде. |
1920 годсто сексес государства явшекшнесь крестьяннэнь 90 миллон пондо видьме. Крестьянтнэ иетне эйстэ пансть государстванень 21 миллион. Остаткась эще опак пант.
27 Июля 1923 г. Центральной Исполнительной Комитетэсь тейсь постановления, косо ефтазь, што видметне, конат ульнест явшезь сексес 1921 годсто 20 миллион пондо, апандофтомс.
А ней эще больши апандафтыть. Видьменть пелендэ, кона ульнесь явшезь сексес 1922 годсто тожо мекев асаемс, а пелендэ пурнамс велень нужас.
Видьмесь, кона явшезь 1923 годсто пандомс эряви весе.
| 30 миллиононь питне казначейской билет и сиянь ярмак. |
Март месецтэ Наркомфин нолды 30 миллион цел. од ярмак казначейской билетсэ, сиянь и пижень ярмак. 3 миллиононь целковоинь питнэ нолдынть коневонь „боннат“ 1 коп. 2, 5 и 50 треш.
| Сиянь ярмак. |
26 це февралень чистэ кармасть якамо сиянь ярмак 20, 15 и 10 трешник.
| Якамо кармасть од ярмакт. |
Те шкамс Советской властесь нолдыль анця коневонь ярмакт — совзнакт. Кото иеть минь эринек не совзнакнэнь маро. Стака ульнесь. Ярмакнень питнест яла прыль. Кувать эйсэст кедьлангсо кирьдемс а маштовиль. Мелят ульнесть нолдазь червонецт. Червонецнэнь покш лезэст. Велесэ сынст анця велть стака муемс. Косто зняро ярмак таштуват, штобу червонецэнь рамамс сатоволь? Кемень целковойть велесэ покш ярмак. Знярдо велень эрицянть таштавить совзнакнэ, знярдо сон пурны-сэрни ошов (городс) мольме, сонзэ таго уж совзнаконзо червонец лангс а сатыть. Ведь велть пек прыль совзнакнэнь питьнест. Эрьва чистэ червонецэнть лангс касыль васня тыща, мейле вете, кемень, кевете тыщат. Косто истя кенерят совзнакнэнь таштамо. Городсо ды велеваяк микшницятнэ май муилть. Сынь кастылть товаронть лангс питне ярмакнэнь прамодо икле. Сестэ вейке, кавто чинь кирдезь сынь совзнакнэнь лангс ламо а емафтылть. Крестьяндо башка киненьгак истя стака арасель коневонь ярмакнэде. Миизе вейке атя лишмезэ. Сайсь лишменть кис коневонь ярмак — совзнак. Арсиль сон миезь лишменть таркас рамамо паро скал. Васенце базарс сон эзь пурнавт. Молевсь атясь омбоце базарс. Кармась ярмакнэнь лангс рамамо скал. Тевтне атянть велть берянть. Сонензэ лишменть питнесэ совзнакнэнь лангс аволь скал, скалонь пулояк уж а максыть.
Ней тевтне лият ульме кармить. Совзнакнэнь нолдамост лоткасть. Совзнакнэнь таркас нолдыть од коневонь ярмакт — вете, колмо целковоень ды седе вишкине питнесэ. Нетне од ярмакнэ кармить якамо вейке питнесэ — сынь прамо а кармить. Од коневонь ярмакнень маро вейсэ курок кармить якамо сиянь ды пижень ярмакт. Сестэ тевтне лиякс туить. Од ярмакнэнь питнест прамо а карми. Апак пелть ярмакнэнь можна ули кедь лангсо кирдемс ды апак капша превейсте ютафтомс. Апак пелть аламонь, аламонь можна ули эйсэст таштамс ды скалнэ, сюрыне рамамс или равужо чис кадомс.
Ней од ярмакнень маро велэсэ шождыне ули эрьва кооператив как теемс — кредитной товарищества, кооперативной лавка панжомс. Товаронть питнезе як ней икеле лацо а карми налксеме.
Велть ламо эрявмо карми нолдамс сиянь ды пижень ярмакнэде. Умок уле кеценек араселть паро ярмакт. Васня эрьва ломанесь, конанень понгить сиянь ды пижень ярмакнэ карми эйсэст кирьдеме эсь кецензэ. Тень кувалт правительстванте те иесте сави нолдамс вишка питнесэ коневонь ярмакт. Те иесть перька сиянь ды пижень ярмакнэде весемезэ нолдыть сядо миллион целковойть. Сы иесте 1 января 1925 иесте мелка коневонть ярмакнэнь пурнасызь ды кармить якамо анця сиянь ды пшкень ярмакт.
Глухов.
| Вейке эрзянь кельсэ миненек эряви серьмадомс. |
Ламонь кургсто сави марямс, што „Якстере Теште“ газетанть стака ловномс. Аволь умок мон ульнинь велесэ Тосояк истя жо кортыть. Мейс мерян, тынь а серматстадо эстенк „Якстере Теште“, мейс а ловнутадо эсинк кельсэ газета?
Миньсинек газет ловномс вельть паро, монень мерить, рузонь газетнэде „Якстере тештенть“ лезэзэ пек покш, анця стака ловномс эйсэнзэ. Истят валт ламонь пельде сави марямо. „Якстере Теште“ хоть сермадозь шачмо эрьзянь кельсэ, мейс сон стакасто ловнови? Монь майсэ, же вана мезде. „Якстере Теште“ газетсэнть сермадыть аволь ве кортамо кельсэ.
Вейсэ статьясь сермазозь ве кельсэ, омбоцесь лия кельсэ, евкс меньгак сермадозь колмоце кортамо кельсэ.
Вана мейс стакасто ловнови минек „Якстере Тештенень“. Мейс жо ламо кельсэ сермадыть газетасонть? Секс истя сермадыть, што арась минек эрьзятнэнь юткова вейке кортамо келенек, Сякой таркава кортыть эсь кельсэст.
Ве губернясо кортыть истя омбыцесэ лиякс. Ламо таркава маласо велетнева арась вейке кель. Минек велесэ мерить мейсазо, нейсазо, кемсазо. Ниле вальгейпесэ ули Нурусува веле — тосо картыть тейсы, нейсы, кемьсы. Ве таркава мерить кярян, пялян, лия таркава — пелян, керян. Валтнэяк аволь вейкеть. Саратовской губерниясо мерить пине, катка, катфа, Симбирскойсэ — киска, псака, модамарь. Таркасто сермадыцятнэ кучить редакцияк сермат (кореспонденцият) кажной эсь кортамо
| КАВТО КИЯВА |
| (Эрзянь эрямосто) |
| 3-це действия. |
| (Карпа атянь кудосо. Карпа атя теи валенкат) |
Карпа атя. Нилеце месець юты, а Петядо меньгак куля арась. Наверна уш а жив. Сон аволь истямо церась, чтобу асермадомс. Аляксейдэ уш аместь кортамс.
Карпа баба. (Горбунгадозь месть бути сокари каштомо (пецька) икиле). Те уш астяк. Мон яла онстомгак некшниса беряньстэ. Теде веде неине, буто чаманзэ эйсэ верьцэ шли.
Карпа атя. Тонь яла онотт. Венть кувалмозо цела год, иля пель местькак бредят, а думтне яла сынст ланга. (Каясы валенканть, сти, витни карязонзэ эйсэ). Ковгак амаштован. Мень уш роботникан. Яла теке ташто ридван, весе ловажам лакордыть. Хоть скотинанень коромонь каиця улевель. (Орчи одижа).
Капа* баба. Эзь урьвакстов сестэ Петя, яла бу лишной ломань улевель семиясо.
Карпа атя. Кие содась истят тевть лисить. Содавлить-деря козой прат, олгинет ацавлить. Ну, мон молян Семиньканень, эсть маря-ли сынь местькак Мишадост. Вейке полксо ведь служить.
Карпа баба. Азекая, азека, эсть са-ли меньгак кулят. Онтань Ваня ошов (городов) якась, эзь тук-ли серма киненьгак. Эх, уш! Амаштован монць ковгак, чийневлинь бу промкс кудов, арась-ли тосо серма. А ней мезе, куд ютксо якицякс амаштован. Кувать иля аште. Валске кше панян, паро пеньгинеть эрявить.
Карпа атя. Курок сан, тосо аместь тейнемс кувать, (лиси).
Карпа баба. (Моли эзем крайс, сайсы стенасто Петяня карточканзэ, аварди). Нать ней, чывалдынем, больчи уш анейдян. Хоть сельме крайнесэм остаткадо варштавлинь лангозот. Анцяк ликеть кадовсь минденек. Думат-ли, тон, церынем, минек эйстэ? Мекс тон акортат, пиже тякиним? (Се шкане сови шабрань ава Митянь Олда, кецензэ серма; лотки кенкш ланкс. Карпа баба амарясы). Коть куламазон живстэ неевлитинь, мейле уш спокойнасто кулувлинь Умок-ли тынь ульниде пакшинеть! А ней, сыре кискакс кавонек кадовинек сыре прясо. Левкскем, сяткиним, знярдо мон тынк нейдядызь?.. (аварди).
Олъа*. Карпа бабай, иля аварть. На вана серма кандынь Петянь пельде. Промкс кудосо максызь.
Карпа баба. Ох, дочинем, вай пасиба теть, эзить нузялт кандык, а минь, ванат, кадат якицятьне. Атянтей аютко яла, ськамонзэ тей-тов. Монць кой-как шатаван кудо юткова. Вай, пасиба, Олда, пароткак астуфтови. Месть буди сермады? Нилеце месець кода арасель пельдензэ серма (Щупи серманть эйэ) Ловновтомс бу, тусь атясь Семиньканень ды сон парсте анеияк.
Олда. Мон молян Марянь терьца, Карпа бабай, сон яла сермат ловны и сермады.
Карпа баба. Пожалуйста уш, дочинем, якак, пароткак астуфтови. (Олда лиси. Карпа баба кадовсь ськамонзэ, пальци серманть эйсэс, ови Карпа атя). Серма кансть Петянь пельде. Нака ловныка седе курок.
Карпа атя. Монь сёровно седеем марясь. Тече чоп мезе бути яла учинь (сайсы серманть, ве пелев кепецы и ваны). Эх, карафне анеить уш.
Карпа баба. Ащек эна, Митянь Олда тусь Маря мельга. (аламнес молить кашт). Мекс пек кувать серматне асакшныть? Почтась стала буть беряньстэ яки?
Карпа атя. Несак почтась. Вана ефнесть, Кирьков Игань тожо истя серманзэ кувать арасельть, мейле получасть. Колмо месецть сермась сась. (Совить Олда марто Марят. Маря здоровакшны Карпа атя марто). Нака, Маря, ловныкая, монцинь уш карафне анеить.
Маря. (Сайсы серманть, ловны). Чумбрат парт тенк, тетяй, авай. Мон служан Уральской фронтсо. Эрьва чине мольдянок икелев. Казакне потыть. Улко саинек Уральскоенть. Ульнесть ламо пленнойть, а Аляксеень юткстотс эзинэ ней. Вейке пленной офицер ефнизе, что сон тосо поручик. Казакне минек пленнойтнень машнить. Аляксей, наверна, тожо истя роботы. Мон коммунистокс прям сермацтыне. Илядо пеняця мекс аламо сермадан — аютко. Сейчас таго тутанок наступленияс. Мон разведчикан Кода тосо майсетядок, кода хозяйствась? Мон содаса, что тынденк стака тосо...
Карпа баба. Того минек кискак ризны.
Карпа атя. Аштек, аштек, иля меша, кунцолок.
Маря. (Ловны) Мон курок кудов веляфтан.
Карпа баба. Дай бог, уш корминицесь помогазо.
Карпа атя. Аштек, иля меша. Казакне тожо теке корминицентей озныть.
Маря. (Ловны). Карман учомо серма пельденк. Адрестэм сермадынк истя: Красная армия, 22 дивизия, Курило-Орловский полк, команда разведчиков. 1 августа, 1918 г.
Карпа атя. Колмо месецть мик сась сермась.
Карпа баба. Те шкас чай аздан месть пряванзэ ютасть. Пасиба, Маря дочинем, кува якат, сельмет пародо неезэ. Пасиба, Олда тоньдятькак. Кодамо вана паро улевель урьвине марто. А ней, яла теке чаво кудо. Кодак атясь туе ковгак, хот лайшек.
Олда. Сон содаэь*. Тынь уш мень роботыцят. Минь вана буто од ломать, ито кодак ненастия, истяк кедет пильгет новолить. Вана пароль бу тенк урьвинекс Маря.
Маря. (Виздильгады) Тон яла, Олда патяй, пеедят монь ланксо. Петянень моньстеменьгак чай ламо невестатьне.
Карпа атя. Лиява вешнеме акарматанок, ацяк сазо Петя. Истямо тейтерь ды асаемс.
Олда. Ней, можот, сытькак. Исяк Дригиньканень токшесь салдат. Уральской фронсто салдатне, мери, уш мекей сыть. Беси фронтоть, мери, саизь.
Карпа баба. Можот, Аляксейгак сы.
Карпа атя. Течи Семькинькань кецэ кортасть истяжо, буто Уральской фрон-
