| 2 | ЯКСТЕРЕ ТЕШТЕ. | № 26 |
писчикензе аламодо эсть сатокшно. Ней жо миненек эряви эсинек икелей путомс задача: 1925 од иесте пурнамс 5000 подписчикть. Коли минь пурнатано 5000 подписчикть, газетась седе аволь питней ули, седе ламо сермадыцят велень-эрямо чиде улить, седи ламо ловныцянзо улить, ды седе курок паневи чопуда чись велесте.
Кинень теемс те тевсть и кода? Первой гак те тевстень кундамс эряви коммунистнэнень, комсомольцнень, учительтнэнень ды сюровидицятнэнень, конат чаркодсть кодамо покш тев канды эсь прясонзо газетась. Косо аулят кавто-колмо вал ды каяк газетань серматстума тев ланкс.
Сельсоветт, кооперативть, коммунат, артельт тыненк эряви серматстомс аламо, аламо 2 газет. Тееде вейцень (коллективной) серматстума, седи паро ули. Саты те шкамс тевсенек теинек серматстумань кувалт яла кодаяк, нейжо эряви эстенек педямс тевс. Весть кундазь тевс, тевсь уж аоргоди кецтенек. Весе газетань серматстумань кис. Весе вете тыща газет ланкс серматстума тевенть кустямо.
Е. Г.
| Лия масторга. |
| Польшасо сюровидицят, робочейть бастуют (бунтовить). |
Польшасо сюро эзь чачь тедиде. Сюро ланкс питне яла касы. Промышленность лоткамо ланксо. Робочейтнэнень роботамонь кис питнэ пандыть аламо. Ламо ломать тевтеме. Сюровидиця ланкс путсть пошк налогт.
Робочейтнэ, ды сюровидицятнэ кармасть бунтовамо. Правительствась таркат, таркат максь распоряженият кирдеме бунтовицятнэсэ генералтнэнень, ды полициянэнь.
| Англиясо kоммунист. партиясонть маштыть. |
26 август ковонь числа читнестэ асодавикс ломать совасть английской ком. партиянть комитетс. Сынь тосо эрявикс коневтнэнь салызь, а ярмакост эзизь тока. Не асодавикснэ салызь коневтнэнь секс, чтобу ком. партиянтень амаксомс севномо правительстванть. Коммунистнэсэ маштыть, секс, чтобу атеевтемс революция Англиясо, но коммунистнэ теке теить сынсист тевсэст.
| Китайсэ 2 тыща велеть емасть. |
Китайсэ август ковонь читнестэ лиснесь ведь берегстэ ды 2 тыща велеть ваявсь. Емасть 50 тыща ломань.
Убыткась тееве 25 миллион целковоень питнэ.
| Советэнь масторга. |
| Видима тевтнэ ютасть вадрясто. 21 август ковонь числас ачачума таркас видиматнэнь ускизь весе. |
| Немецкой республикась ускомс ульнесь 800 вагот, усксть 979 | ваг. | |||||||||
| Царицынской | губерняс | . . . . . . . | 1 | тыщ. | 510 | ваг. | 2 | тыщ. | 144 | ваг. |
| Саратовской | „ | . . . . . . . | 2 | „ | „ | 2 | „ | 144 | „ | |
| Самарской | „ | . . . . . . . | 860 | „ | 1 | „ | 216 | „ | ||
| Пензенской | „ | . . . . . . . | 150 | „ | 158 | „ | ||||
| Воронежской | „ | . . . . . . . | 735 | „ | 840 | „ | ||||
| Тамбовской | „ | . . . . . . . | 100 | „ | зняро эрявсть. | |||||
| Ускить сюро вачо таркатнэнень |
| Воронежской | губерняс | ускить сюро . . . . | . 5 | мил. | 510 | тыща | под |
| Самарской | „ | . . . . . . . . . . . | . 1 | „ | 790 | „ | „ |
| Саратовской | „ | . . . . . . . . . . . | . 8 | „ | 750 | „ | „ |
| Царицынской | „ | . . . . . . . . . . . | . 9 | „ | 300 | „ | „ |
| Немецкой республикас ускить сюро . . . . | . 2 | „ | 500 | „ | „ | ||
| Сюро—жо онокстазь ули | . . . . . . . . . . | 380 | „ | „ | |||
| СССР-с Америкасто курок пачкодить тракторт. |
15 Сентябер числасто Америкасто Новороссийскойс пачкодить 500 тракторт. Трактортнесэ кармить кучомо тов, косо эзь чачь сюро. Саратовс центральной скадс*, Царицынской, Ростовской и лия складнева. Васня як кармить нолдамо коммунас, с./х. товариществас, коллективс. Питненть пандотовтомо, ки рами трактор, кармить истя:
20% 15 октябрясто 1925, 40% — 25 октябрстэ 1926, 40% 15 октябрстэ 1927 иестэ.
| Савинков и Махно понксть. |
20 Август ковсто минек масторсо (СССР-сэ) Г. П. У. кундызэ Савинковонь, конань паспортозо ульнесь фальшивой. Савинков самой ярой советской властень карчо ащиця. Ульнесь ланксонзо суд кона судизе маштомс. Сон Савинков мерсь, что мон берень тевэнь теинь лия масторонь капиталонь кувалт и вешан кецтенк прощения. Верховной судс кармась ходайтайствовать ЦИК СССР-энь икеле приговоронть шожгиньдявтомс. Германиясо арестовизь Махнонь, конань арцить кучомонзо Россияс.
| Шкась пачколи-анокстак покш эсинть тевень тееме. |
Курок пачкодить советс пурнамо шка. Те пурнамо шкась вельть покш тев икеленек ули. Миненек эряви прясонок анокстамс те тевстень. Российкой ком. партиень Центральной Комитетс тень кувалт сермаць ды кучсь весе члентнэнень ды РКП организациятнэнень серма, косо терди весемесэ те тевсть ланкс ваномо ды тееме весэ виень путозь, кода веши кецтенек революциясь. Хозяйствасонок стамбарнэ ды стявтано пильге ланкс, эрьва чи яла виемдяно, кармасть седи пек пелеме эстэденек лия масторонь буржуазиясь — секс эряви тенек пек эстенек ваномс, тев теемс, чтобу илязонок стувт миньцинек революциянь ветямо тевенек.
Советс ломань пурнамо шкасто эряви ваномс, кортамс икелень иень тевест, кодат ульнесть асатумат, мейсь не асануматнэ есть теевть. Прумкснэсэ эряви кортамс советской властень, ком. партиянь политикадо, кодат покш тевть теезь СССР-сэ (лия масторонь правительстват кармасть ловомо эсненэк законной правительствакс, од ярмаконь нолдамо тевть, вачо иеде и кода тосо бороцить голодонть маро, када кустятано эсинек хозяйствасонок и кодат покш тевть теемс ащить СССР-энь икеле.
Пурнамо шкасто вельпек эряви ваномо, чтобу советс илязо понк сюпав ломань. Сон понги деряй, бедной ломаннень паро эрямо чи аули. Эрьва ломанель пурнамодо икеле эрьва ендо эряви ваномс. А эряви отказамс тонафтыцядо-як (учительде) конась ламо тейсь тев сов. властень, кона моли пильгэде пилькс минек маро.
Пурнамо шкасть эряви истя ветямс, чтобу сон тевенек кемелгавтовлезе эрва ендо.
Эряви бажамс (стараямс) чтобу волостной советс пурнамс тевень тееме анузялдыця коммунист, конатнэ бу эсь теезь тевест кис отвечавольть сюровидиця икеле мезеньдяк апак сеп.
Велтьпек эряви стараямс, чтобу сельской советс пурнамс миньцинек ломань ютксто — бедной, кудов службасто нолдазь красноармеец, работник (батрак) ютксто.
| Московсто тенек сермадыть. Курок пачкоди советс пурнамо шка... Пурнак тонцить ломань... Тонть кис ащить анцяк коммунист... Коли эзить сермацт „Якстере-Теште“ ды лия эрьзянь мокшонь газет ланкс, то капшак (эряскадт) серматстомо. |
Волостной, сельской советс эряви терьдемс тевень тееме велень тонафтыцят (учительть) конат ащить минек кис.
Те шкамс минек волостной, сельской советка вельть аламо ульнесть члененек тейтерь-ава пельде. Ней жо эряви стараямс пурнамс советс аватнень ютксто як.
Кода кармить сермадомо спискас кандидат, то ломатнень (кандидатнэнь) судямо (эрьва ендо берень, паро) нолдамс анцяк бедной, средняк сюровидицяютксто, а эряви нолдамс сюпавломать, торговицят, попт, икелень белогвардейской офицерт, конатнэнень эсть макст пурнамо прават.
Икеленек ащить покш тевть. А воль истят тевть кандынек и ютавтынек. Те тевесть эряви теемс велтьпек арцезь. Минек ланкс, минек теезь тевенек ланкс ваны весе масторонь робочей классось, ды сюровидицятне. Сынь минек ланкс вельпек кемить и месне ули тенек лездыть.
Бедной ломаннень стака эрямс. Тень Сов. Властесь и ком. партиясь нейсы и содасы. Месне саты виест лездыть тензэ, но эряви бедной ломаннень эстензэ як пек ламо тев теемс. Велень, волостень тевсэ вети теи велень, волостень советт. Не советнэнень эряви васняк лездамс бедной ломанень. Бедной ломаньнень тень эряви содамс, да пурнамс тов тевень тееме сынцист ломать. Пурнавдано-деряй вейсэ тевень тееме, сестэ седе шождынестэ нужанть прядсынек.
Пурнак тонцитьломань, тоньть кис ащиця. Тонть кис ащить анцяк коммунист. Весе пурнамо тевс кундадо. Ванодо илязо эце сюпавломань совэтэзенк верень потямо эйстэнк.
Е. Губанов.
| Весе мастор лангонь од ломатне кеть-те-кец кундазь ютыть капиталонть карчо. |
| (Од ломанень празнувамо чиньтень). |
Россиясо 1917 иестэ февральской революциядо мейле од ломатне кундасть эсь тевезэст, ды тейсть покш од ломанень организация, понань лемезэ „Россиянь Ленинэнь коммунистической од ломанень союз“. Лия масторсо-жо од ломатне умок уж теить эсь тевсэст. Австриясо 1848, Бельгиясо 1886, Италиясо 1901, Франциясо 1900, Германиясо 1903 иетнева ульнесть уж одломатнень сынцист организацияст. Робатасть сынь салдатюткова (Бельгиясо) войнань карчо ды паро эрямонь кис. Буржуазиась сынст лангс ванось теке дешува тавар ланкс. Питне роботамонь кис пандыльть тенст пель питнеде аламо покш ломанень коряс сестэ, кода сынь истямо-же тев теильть, кодамо и покш ломать машинань перька. Кувать и стака ульнесь туремс капитализманть карчо. Капитализмась яла виемель. Виемась чувыль эстеньзэ-жо калмо. Весе мастор лангонь од ломатнэ чаркотсть, что скамонст ве масторонь од ломатне мезияк атеевить — эряви весе мастор лангонь од ломатненень стямс эсь тевест кис вейце капиталонть карчо. 1907 иестэ Германиясо Штутгарт ошсо промсть весе мастор лангонь од ломатьнень пельде (делегат) косо и максть вал тев теемс вейце. Иеть ютыть, капитализмантень тесна эрямс свет лангсо. Робочейть ды сюровидицят мешить тенст. 1914 иестэ тейсть покш турима (война). Тейсть эстесть оля (свободной) эрямо чи, трудицянь маштумасо. Ламо од лома ащесь ружия ало. Машсть эснэст тыщасо. Од ломатне эсь сельмсэст неить, что те туриманть пезе аули, и эряви кодаяк сеземс, 1915 иестэ пурнасть сынь Бернской конференция косо картасть войнанть карчо. Сынь те конференциясонть мерсть, что эряви путомс мезе ули виенек туриманть карчо, ды 3-це ковонь сентябрь чинть ловомс мастор лангонь од ламанень праздникекс. Конфенциядонть мейле те 3-це числань чисэнть сентябрь ковонь праздновить эрьва иестэ. Минек правительствась декрет нолдась косо сермадозь: „первой недля чись сентябрь ковсто улезе общегосударственной од манень* праздник*.
