ಮುಟ್ಟ ನಡತ್‌ಂಡ್. ಆಂಡ ಉಂದು ದುಂಬರಿಜಿ ದಾಯೆಪಂಡ ಕರ್ನಾಟಕದ ಆಡಳಿತ ಬಾಷೆ ಕನ್ನಡ ತುಳುವೆರ್ ತುಳುಟ್ಟು ಕಲ್ತೆರಾಂಡ ಕನ್ನಡ ಬಾಸೆದ ಸರಕಾರೊಡು ಎಂಚ ಬೇಲೆ ತಿಕ್ಕುಂಡು ಪಂಡ್ದ್ ಎಂಕಲೆಗ್ ತುಳು ಬೊಡ್ಛಿ ಆಡಳಿತ ಬಾಷೆನೇ ಆವು ಪಂಡಿನೆಡ್ ತುಳುಟ್ಟು ಕಲ್ಪುನವು ಅಪಗನೆ ಬಂದ್ ಅಂಡ್.
ಕ್ರೈಸ್ತರೆಡ್ ಪಿರಾಕ್‌ದ ಕಾಲೊಡು ಮದಿಮೆಗ್ ತಾಳಿ ಉಂಗಿಲ ಬಳಕೆ ಮಲ್ಪುನ ಕ್ರಮ ಇತ್ತ್ ಜಿ. ಇಂಚಿಪ್ಪ 60 ವರ್ಸೊಡ್ಡು ಬೊಕ್ಕ ತುಳುನಾಡ್‌ದ ಸಂಸ್ಕೃತಿ ಬಳಕೆ ಆದ್ ತಾಳಿ, ಕರಿಯಮಣಿ, ಉಂಗಿಲ ಬಳಕೆ ಆಂಡ್. ಆಂಡ ನಿಜೊಕ್ಕು ಬಳಕೆ ಮಲ್ಪುನ ಉಂಗಿಲ ವಿದೇಶಿ ಶೈಲಿದವು ಇತ್ತೆಲಾ ಕ್ರೈಸ್ತೆರೆಡ್ ಉಂಡು, ಮದಿಮಯಗ್ ಕಚ್ಚ, ಅಂಗಿ ಇತ್ತಂಡ ಅವು ಇತ್ತೆ ಸೂಟು ಬೂಟು ಅತ್‌ಂಡ್, ಮದಿಮಲೆನ ಸೀರೆ ಪೋದು ಉದ್ದ ಗವನ್ ಪಾಡುನ ಕ್ರಮ ಬೈದ್‌ಂಡ್, ವಿದವೆನಕುಲು ಕರಿಮಣಿ ಪಾಡುನ ಕ್ರಮ ಇತ್ತ್ ಜಿ. ಆಂಡ ಇತ್ತೆ ಸಮಾಜೊಡು ಮಾತೆರ್‌ಲಾ ಕರಿಮಣಿ ಪಾಡುವೆರ್. ದೇವಾಲಯೊಗು ಸೀರೆನೇ ತುತ್ತೊಂದು ಪೋವೊಡು ಇಜ್ಜಾಂಡ ತರೆಕ್ ಮದೆ ಮಲ್ತೊಂದು ಪೋವೊಡು ಪನ್ನ್ಪಿನ ಕ್ರಮ ಇತ್ತಂಡ್ ಆಂಡ ಇತ್ತೆ. ಪರಮ ಪ್ರಸಾದ ದೆತೊನ್ನಗ ಮಾತ್ರ ಹೆಚ್ಚಿನಕುಲು ಪಾಡುವೆರ್. ಮದಿಮೆಡ್ ತರೆ ಮುಚ್ಚುನ ಕ್ರಮೊಕ್ಕುಲೆನ್ ಒರಿತೊಂದೆರ್.
ಕ್ರೈಸ್ತೆರೆಡ್ ಅಕುಲು ವಾ ಪಿರವುದ ಮತೊಡ್ಡು ಬತ್ತಿತ್ತೆರ್ಡಲಾ ಪಿರ ಆ ಮತತ್ತ ಸಂಸ್ಕಾರೊಲೆನ್ ಆಚರಣೆ ಮಲ್ಪೆರೆ ಇಜ್ಜಿ. ಪರಕೆ ಪುನ್ಪುನವು, ಜೋತಿಷ್ಯ ಕೇನುನವು, ವ್ಯಭಿಚಾರ, ಮಾನ್ಯ ಕೆರ್ಪಿನವು, ಕಂಡುನವು ತೋಜಿದ್ ಬತ್ತ್ಂಡ ದುಂಬುದ ಕಾಲೊಡು ಅಕಲೆಗ್ ಅಡ್ಡ ಬೆಂಚಿಡ್ ಕುಲ್ಲುನ ಶಿಕ್ಷೆ. ಪರಮ ಪ್ರಸಾದ ದೆತೊನೆ ಇಜ್ಜಂದಿ ಶಿಕ್ಷೆ. ಅಡ್ಡ ಕೋಂಪುನ ಶಿಕ್ಷೆಲು ಅತ್ತಂದೆ ಆಯನ ಇಲ್ಲಡೆಗ್ ಏರ್‌ಲಾ ಪೋದು ಉನಿಯೆರೆ ಬಲ್ಲಿ. ಆ ಇಲ್ಲಡ್ ಪೊಣ್ಣು ಇಜ್ಜಾಂಡ ಆಣ್ ಕನವೆರೆ ಬಲ್ಲಿ ಇಂಚಿತ್ತಿ ಶಿಕ್ಷೆಲು ಇತ್ತ್ಂಡ್. ಆಯೆ ಪಡೆಯಿನ ಶಿಕ್ಷೆನ್ ದಿನ ಕರಿಬೊಕ್ಕ ಮಲ್ಲ ಸಭೆ ಎದುರುಡು ಬತ್ತದ್ ಆಯೆ ಮಾಪು ನಟ್ಟೊಡು. ಐಡ್ದ್ ಬೊಕ್ಕ ಆಯನ ಶಿಕ್ಷೆ ಪೋಪುಂಡು. ಆಂಡ ಇಂಚಿನ ಶಿಕ್ಷೆದ ಕ್ರಮೊಕ್ಕುಲು ಇತ್ತೆ ಇಜ್ಜಿ. ಆಂಡ ಕ್ರೈಸ್ತ ಸಭೆತ್ತ ಒಡನಾಟೊಡು ಇಜ್ಜಾಂದೆ, ದೇವಾಲಯೊಗು ಪೋವಂದೆ ನಾಸ್ತಿಕೆರೆಲೆಕ್ಕ ಉಪ್ಪು ಕ್ರೈಸ್ತರೆ ಇಲ್ಲಡ್ ಪೊಣ್ಣು ಆಣ್ ಕನವೆರೆ ನಮ್ಗುವೆರ್.
ಕ್ರೈಸ್ತೆರೆ ಪರ್ಬೊದ ಆಚರಣೆಲೆಡ್ ಕೆಲವೆಟ್ ಪಿರವುದೆನೇ ಒರಿಪಾವೊಂದು ಬೈದರ್, ಪುದ್ದರ್, ಕುರಲ್ ಕಟ್ಟುನೆಕ್ ಕ್ರೈಸ್ತರ್ ಬುಳೆತ್ತ ಪರ್ಬಇಜ್ಜಾಂಡ ಕೊರಲ್ ಪರ್ಬ ಪಂಡ್ ಪನ್ಪೆರ್. ಕೊರಲ್ ಕನತ್ತ್ದ್ ಇಲ್ಲೆಲೆಡ್ ಕಟ್ಟುನ ಕ್ರಮ ಇತ್ತೆಲಾ
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು..."'
193
