{{{1}}}
ಪರಂಪರೆಡ್ದ್ ಆಧುನಿಕತೆತ್ತಂಚಿ ಕೈಕಸುಬುಲು
ಕಾಯಕನೇ ಕೈಲಾಸ ಪನ್ಪಿ ಬಸವಣ್ಣನ ತತ್ವದ ಅರ್ಥ ನರಮಾನಿ ಲೋಕೊಡು ಆಯಾಯಗ್ ಹೊಂದುನ ಉದ್ಯೋಗೊನು ಮಲ್ಪುನವೇ ಕಾಯಕ. ಆ ಉದ್ಯೋಗನೇ ಕೈಲಾಸ.
ಕಾಯಕೊಡ್ಡು ಅಂದ್‌ಂಡ ಬೇಲೆಡ್ ಸಂಪತ್ತ್ದ ಸೃಷ್ಟಿ ಆಪುಂಡು. ಈ ಸಂಪತ್ ನಂಕ್ ಮಾತ್ರ ಅತ್ತ್ ಅವು ಸಮಾಜದ ಒಂಜಿ ಅಂಗ. ಬಾಕಿದಕಲೆಡ ಕೈನೀಡಂದೆ ಪ್ರತಿಯೊರಿಲಾ ತನ್ನ, ತನ್ನ ಕುಟುಂಬೊಗಾದ್ ಒವ್ವಾಂಡಲಾ ಒಂಜಿ ಬೇಲೆ ಮಲ್ಪೋಡು, ಆ ಕಾಯಕಡ್ ತಿಕ್ಕುನ ಸಂಪಾದನೆನೇ ಪ್ರಸಾದ ಪಂಡ್ ಪನ್ನಿನವು ಬಸವಣ್ಣನ ಬೋಧನೆ
ಇಂಚಾದ್ ನಮ ಬದ್‌ಕ್‌ ಒಂಜಿ ಬೇಲೆ ಬೋಡು ಇಜ್ಜಾಂಡ ಒಂಜಿ ಕಸುಬು ಬೋಡು. ಐಕಾದೇ ನಮ್ಮ ಸೃಷ್ಟಿ ಆನಗ ನಂಕ್ ಬೋಡಿತ್ತಿನೆನ್ ನಾಡೊನ್ನೆ ಬೋಂಟೆ ಬೊಕ್ಕ ಕೃಷಿ ಸಂಸ್ಕೃತಿ ನಮ್ಮ ಬ‌ದುಕ್ ಡೆ ಬೈದ್‌ಂಡ್, ಉಂದುವೇ ದುಂಬರಿತ್‌ ಕುಲಕಸುಬು ಇಜ್ಜಾಂಡ ಉಪಕಸುಬುಲು ನಮ್ಮ ಬದ್‌ಕ್‌ ಮುಖ್ಯವಾಯಿನವು ಆಂಡ್.
ಕೈಕಸುಬು ಇಜ್ಜಾಂಡ ಕುಲಕಸಬುಲೆಡ್ಜ್, ಪರಂಪರೆಡ್ ನಂಕ್ ತಿಕ್ಕೊಂದಿತ್ತಿ ನಮ ಗಳಸೊಂದಿತ್ತಿ ವಸ್ತುಲು ಇತ್ತೆದ ಆದುನಿಕತೆತ ಲೋಕೊಡು ಮದೆ ಆವೊಂದುಂಡು. ನಮ್ಮ ಆದುನಿಕತೆದ ಲೋಕೊಡು ತಿಕ್ಕುನ ವಸ್ತುಲೆನೇ ನಾಡೊಂದು ಪೋದು ನಮ್ಮ ಪರಂಪರೆನ್ ಮದತೊಂದುಲ್ಲ. ನೆಕ್ಕೆ ಕಾರಣ ದಾನೆ.
ಕಾಡ್ ತಿಕ್ಕು ಬೂರು, ಬೆದುರ್, ಇರೆಕ್ಕುಲೆಡ್ ಬಟ್ಟಿ, ಪುಡಯಿ, ಕಾಂಟ್ಯ ತಟ್ಟಿಕುಡುಪು,ಕುರ್ವೆ, ಪೇರರು ಕುರ್ವೆ, ತಡೆ, ಪಜೆ, ತತ್ತ, ಕೊರಂಬು, ಉಂದು ಮಾತ ನಮ್ಮ ಊರುಡೇ ನಮ್ಮಗುಲೇ ತಯಾರ್ ಮಲ್ತಿನವು ತಿಕ್ಕೊಂದಿತ್ತಂಡ್. ಆಂಡ ಇತ್ತೆ ಬೂರು, ಬೆದ್ರ ನಾಡ್ಯರೆ ಕಾಡ್ ನಾಶ ಆವೊಂದುಂಡು. ಬೋಡಿತ್ತಿನ ತಿಕ್ಕೊಂದಿಜ್ಜಿ ಬೇಲೆಗ್ ಬಿಲೆ ಇಜ್ಜಿ ಜವನೆ ಪೇಂಟೆ ಸೇರಿಯೆ, ಗುರ್ತೊ ಮಲ್ತೊನ್ರೆಲಾ ಮದತ್ ಬುಡಿಯ, ಬಂಗೊಡು ತಯಾರ್ ಮಲ್ತ್ಂಡಲಾ ಮಾರ್ಕೆಟ್ ಇಜ್ಜಿ.
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
197
