This page has not been proofread.
14
mǎ-tuo̿i, 5.
nì niōng kṳe̿-kṳe̿ iáu gṳ̀ uǎ-tiāu: giáng gṳ̀ nà nì so̿ng gúing, gúing nà nì gáu nă chái-ià, ciū nà nì sū da̿u lâu-di̿.
- Uòi ì-cài iáu nì uā, Nì cì ǎu cì lî gu̿ ēng-nǎing hi̿ng chéng-chǔ, cǒng ēng bo̿ng nì chṳ̆ lâ̤.
- Nì tia̿ng-nī-gi̿ng iǔ nêng uā-gua̿, Ēng gǒ̤ng tóng-gáing.
- Lâ̤-sī uòi iáu nì uā, Iǔ nêng chū-gi̿ng á-niông-nêng, séng-dǐ ciū táng-du̿ iŏ̤ng á-niông-nêng, séng-dǐ ciū so̤̿ng iáu gṳ̀ tóng-gáing làu.
- Lâ̤-sī iū-bíng mì-ciú huōi nì iǔ gua̿-ngāi gâ̤ dī, ciū niōng lé chṳ̆ lâ̤, diú tiāu: nì ngù-gúing miè-tiāu cì-iōng gu̿ iǔ ĭ nì, sǎng-dă̤ nà nì tóng séng diú hā dī-ngṳ̀-di̿.
- Lâ̤-sī iū-siǔ huōi nì iǔ gua̿-ngāi gâ̤ dī, ciū niōng dǔ à lâ̤, diú tiāu: nì siǔ miè-tiāu cì-ciă gu̿ iǔ ĭ nì, sǎng-dă̤ nà nì tóng séng diú hā dī-ngṳ̀-di̿.
- Gu̿ iǔ dī uā, Nêng lâ̤ chṳ̆-tiāu sē-mǎ, niōng siǎ chṳ̆-tiāu sē-mǎ gâ̤ cī nă gṳ̀;
- Lâ̤-sī uòi iáu nì uā, Ēng-sī éng-ṳē tóng-gáing gâ̤ dī chṳ̆-tiāu sē-mǎ, ciū-sī huōi gṳ̀ te̿ng nêng, nêng lâ̤ tǎu ŭ ciă chṳ̆-tiāu gâ̤ á-niông-nêng iǎ sī tóng-gáing.
- Nì ǐ tia̿ng-nī-gi̿ng iǔ gáu-dō gǔ-sî-hē nêng gâ̤ dī, gō̤-uā, Ciu̿-chṳ̿ ēng gǒ̤ng huǎing-séng, da̿u Ciōng-Di̿ mīng-chîng ciu̿-gua̿-chṳ̿ gâ̤ dī cǒng niōng í.
- Lâ̤-sī uòi iáu nì uā, Dú ēng gǒ̤ng ciu̿-chṳ̿, ēng gǒ̤ng nà tíng lâ̤ ciṳ̿-chṳ̿, éng-ṳē tíng sī Ciōng-Di̿ cō gâ̤ ṳ̄.
- Iǎ ēng gǒ̤ng nà si̿-gáing lâ̤ ciu̿-chṳ̄, éng-ṳē si̿-gáing sī Ciōng-Di̿ gâ̤ káu-dā; iǎ ēng gǒ̤ng nà Iǎ-lū-să-lǎing lâ̤ ciu̿-chṳ̿, éng-ṳē Iǎ-lū-să-lǎing sī duōi Uǎng-Di̿ gâ̤ géng-sêng.
- Iǎ ēng gǒ̤ng nà nì gâ̤ tê lâ̤ ciu̿-chṳ̄, éng-ṳē nì mǎu-nǎing-ge̿ nà nì cì-ǎng tê-mâu bi̿ng ú bi̿ng bā.
- Nì uā dī, Sī, ciū uā sī; Ēng sī, ciū uā ēng sī; lâ̤ cuo̿i gá uā ciū-sī giǎng ŭ ciă ŏ̤ gṳ̌-di̿ lâ̤.
- Nì tia̤̿ng-nī-gi̿ng iǔ nêng uā-gua̿, Mì-ciú niōng bô mì-ciú, ngâ-chǐ niōng bô ngâ-chǐ.
- Lâ̤-sī uòi iáu nì uā, Ēng niōng iáu ŏ̤ nêng ca̿ do̿-tê:
