This page has not been proofread.
Iǒ̤-hu̿ing, 3.
- 4 Nǐ-gó̤-dǐ-mǔ uā, Nêng sē-tiāu làu, nī-di̿ ŏ̤ cuo̿i sǎi chṳ̌-si̿ nī? gu̿ ŏ̤ cuōi nì nǎi gâ̤ bǔ-di̿ sǎi chṳ̌ lâ̤?
- 5 Iǎ-Sú a̿ing uā, Uòi ì-cài iáu nì uā, Nêng lâ̤-ēng-sī giǎng sṳ̌ iáu Se̿ng-Sěng sǎi gâ̤, ciū mǎu-nǎing-ge̿ nì Ciōng-Di̿ gâ̤ gǒ.
- 6 Giǎng nṳ̀-séng sǎi gâ̤ ciū-sī nṳ̀-séng; giǎng Se̿ng-Sěng sǎi gâ̤ ciū-sī sěng.
- 7 Uòi uā, Nì cǒng niōng cuo̿i sǎi chṳ̌-si̿, nì ēng niōng siǒng iǒ̤ng sī gǐ-ī gâ̤ dī.
- 8 Hóng běng-cie̿ cù-cī gâ̤ i̿-su̿ chṳé lâ̤ chṳé ko̤̿, nì tia̿ng-nī hóng siáng-éng, dú ēng dǎ̤-dí sī giǎng nī-di̿ lâ̤, ko̤̿ nī-di̿ ko̤̿: giǎng Se̿ng-sěng sǎi gâ̤ nêng dú sī iǒ̤ng-gǎ̤-sǐ.
- 9 Nǐ-gó̤-dǐ-mǔ a̿ing uā, Nī-di̿ iǔ iǒ̤ng gâ̤ dī nī?
- 10 Iǎ-Sú a̿ing uā, Nì ca̿ Ì-să̤-liĕ nêng gâ̤ síng-sáing, gṳ̀ ēng měng-bà̤ iǒ̤ng dī?
- 11 Uòi ì-cài iáu nì uā, Uòi uā gâ̤ sī uòi dǎ̤-dí gâ̤, uòi ca̿ gâ̤ gúing-ce̿ng sī uòi chū-gi̿ng-guā gâ̤; nì-huo̿i-nêng ǐ ēng se̿ng uòi ca̿ gâ̤ gúing-ce̿ng.
- 12 Uòi iáu nì uā-guā si̿-gáing gâ̤ dī, nì gu̿ sī ēng se̿ng, lâ̤ iáu nì uā tíng ciōng gâ̤ dī, nì nì1-dī ŏ̤ se̿ng nī?
- 13 Lâ̤-ēng-sī ǔ ciǎ giǎng tíng-di̿ à lâ̤, cuo̿i mǎu biē-nêng iòng-diō̤ tíng, giǎng tíng-di̿ à lâ̤ gâ̤, ciū-sī nêng ga Gṳ̌ing, géng-giâ gu̿ da̿u tíng-di̿.
- 14 Cě̤ng-chîng Mǒ̤-sái da̿u ko̿ng-iǎ nà ṳê gua̿ kǐ lâ̤, nêng ga Gṳ̌ing gōng niōng iǒ̤ng-gǎ̤-sǐ nǎ nêng gua̿ kǐ lâ̤ :
- 15 O̿ mǎu-lō̤ng sū nêng se̿ng, ciū da̿u nêng gâ̤ Gṳ̌ing dǐ-bíng ŏ̤ dǎ̤-diō̤ ě̤ng-ṳ̌ing gâ̤ sáing-miāng.
