This page has been proofread.
20
mǎ-tuo̿i, 8.
- Gu̿-chu̿ mǎu-lō̤ng sū-mū nêng tia̿ng-nī uòi uā gâ̤ dī, ciū ko̤̿ ca̿, iŏ̤ng nêng bǐ-piāng cì-ciă chóng-měng gâ̤ nêng, da̿u ciō̤-ngâng ciōng-bíng-di̿ kṳé chio̤̿.
- Pōng-diō̤ hóng chṳé, hṳ̄ ŭ, sṳ̌ ce̿ng; dú mài diàng-tiāu: éng-ṳē dī-gí da̿u ciō̤-ngâng ciōng-bíng.
- Mǎu-lō̤ng sū-mū nêng tia̿ng-nī uòi uā gâ̤ dī, ēng ko̤̿ ca̿, iŏ̤ng nêng bǐ-piāng cì-ciă háng gâ̤ nêng, da̿u suói ciōng-bíng-di̿ kṳé chio̤̿.
- Pōng-diō̤ hóng chṳé, hṳ̄ ŭ, sṳ̌ ce̿ng; iŏ̤ng chio̤̿ ciū diàng-tiāu: hǎing diàng-dǎ̤ gua̿-dă̤-kia̿u.
- ¶ Iǎ-Sú iŏ̤ng duói dī uā làu, ŭ cèng cāi nêng siǒng gṳ̀ háu gâ̤ dī cèng gǐ-guo̿i.
- Éng-ṳē gṳ̀ háu nêng su̿-siōng iǔ gṳ̌ing-ba̿ng gâ̤ nêng, mài su̿-siōng gṳ̀ dǐ-bíng gâ̤ nāng-sṳ́ nêng.
Di̿ 8 Cióng.
- Iǎ-Sú à súing làu, iǔ cèng cāi nêng gáing gṳ̀.
- Iǔ cì-ciă bāng-tuǒi gâ̤ nêng lâ̤ ba̿i gṳ̀, uā, Cṳ̌, nì lâ̤ kǎing, ciū iǔ-nǎing-ge̿ nà uòi lōng lâi-lī.
- Iǎ-sú sṳ́ing siǔ, mó̤ gṳ̀, uā, Uòi kǎing, nì niōng bi̿ng lâi-lī kǐ lâ̤. Gṳ̀ gâ̤ tuǒi dāi-diū ciū lâi-lī tiāu.
- Iǎ-sú iáu gṳ̀ uā, Nì niōng siǎu-séng, iŏ̤ng dī ēng gǒ̤ng iáu nêng uā; niōng ko̤̿ nă ci̿-sí chū nì gâ̤ séng-tǐ, hṳ̿ing Mǒ̤-sái gáu-dō nêng hṳ̿ing gâ̤ mî-dī ca̿ běng-gṳ̀ nă duōi-gá-nêng chū.
- ¶ Iǎ-sú nì Gá-bă-nǒng sêng-dǐ làu, iǔ cì-ciă bǎ-cǒng lâ̤ giǔ gṳ̀,
- Uā, Cṳ̌ à, uòi gâ̤ nû-gě bāng-hóng dǎu da̿u chio̤̿-di̿, cèng cī, kǔ-chǔ dă̤-hǎing.
- Iǎ-sú ciū uā, Uòi giâ ko̤̿ í gṳ̀.
- Bǎ-cǒng a̿ing gṳ̀ uā, Cṳ̌ à, nì da̿u uòi chio̤̿-di̿ uòi ēng gǒ̤ng dó̤ng, lâ̤ giǔ nì uā cì gṳ̿ dī, uòi gâ̤ nû-gě ciū ŏ̤ hǎu-tiāu.
- Éng-ṳē uòi iǎ sī hū nêng gǔing, miâng à gōng iǔ
