This page has not been proofread.
41
Mǎ-tuo̿i, 15.
- mǔing-si̿-tī, nà lǒng-cǒng iǔ bāng gâ̤ nêng dú iáu hā Iǎ-Sú lâ̤.
- 36 Giǔ Iǎ-Sú lâ̤ niōng cě̤ng gṳ̀ mó̤ gṳ̀ gâ̤ í-ciông táu mó̤-diō̤ gâ̤ nêng dú hǎu-tiāu.
- Dī 15 Cióng
- 1 Ǔ-cì-sî iǔ Huǎ-lī-so̿ nêng iáu nāng-sṳ́ nêng giǎng Iǎ-lū-să-lǎing lâ̤ hīng Iǎ-Sú.
- 2 Uā, Nì gâ̤ hǎ-sáing ca̿-sū-dī ngà̤ gǔ-sî-hē nêng dúǔing à lâ̤ gâ̤ lī-gṳ́, ko̤̿ iè gâ̤ sî-hē ēng sáing sǎi siǔ.
- 3 Iǎ-Sú a̿ing uā, Nì ca̿-sū-dī éng-ṳē ǔ dṳ̌ig à lâ̤ gâ̤ lī-gṳ́, ngà̤ Ciōng-Di̿ gáu-dō gâ̤ dī?
- 4 Éng-ṳē Ciōng-Di̿ uā-gua̿, Niōng ge̿ng dá-nǎi: ǐ uā, Lūing-uā dá-nǎi gâ̤ nêng, cǒng niōng gṳ̀ sǐ:
- 5 Nì gu̿ gō̤-uā, Nêng lâ̤ iáu dá-nǎi uā, Uòi e̿ng-gái ge̿ng ni gâ̤ mî=dī, dú nǎ Ciōng-Di̿ làu.
- 6 Cuo̿i-hē ciū ēng niōng ge̿ng dá-nǎi. Iǒ̤ng-gǎ̤-sǐ nì éng-ṳē ǔ dúǔing à lâ̤ gâ̤ lī-gṳ́, nà Ciōng-Di̿ gâ̤ dàu-lǐ do̤̿ng mǎu iàu-gěng tiāu.
- 7 Gǎ-gǎu gâ̤ nêng, Ì-so̿-ngā sáing uā-gua̿ nì gâ̤ dī, cèng mài cho̤̿.
- 8 Gṳ̀ uā, Iǒ̤ng bă-sia̿ng e̿ng-ciā-chṳ̿ ge̿ng uòi; gṳ̀ gâ̤ séng dú sī lī u uòi cèng dàu.
- 9 Gṳ̀ nà nêng gáu-dō gâ̤ dī ce̤̿ng gṳ̀ gâ̤ dàu-lǐ háu nêng, gu̿-chu̿ gṳ̀ ba̿i uòi iǎ sī mǎu-sǎ̤.
- 10 Iǎ-Sú hǎng ǔ cèng cāi nêng lâ̤, iáu gṳ̀ uā, Nì niōng tia̿ng-nī, iǎ niōng měng-bà̤:
- 11 Ēng sī giǎng chṳ̿-di̿ di̿ ko̤̿ gâ̤ mî-dī ŏ̤ huōi nêng í-nǒ̤, sī giǎng chṳ̿-di̿ chṳ̆ lâ̤ gâ̤ mî-dī ŏ̤ huōi nêng í-nǒ̤.
- 12 Hǎ-sáing giǎng-ce̿ng lâ̤, uā, Huǎ-lī-so̿ nêng tia̿ng-nī iǒ̤ng dī, uā sī huōi gṳ̀ iǔ gua̿-ngāi, nì dǎ̤-dí , ēng dǎ̤-dí?
- 13 Iǎ-Sú uā, Mǎu-lō̤ng sū-mū cá̤ gâ̤ mî-dī, lâ̤-ēng-sī uòi Dá cá̤ gâ̤, hē-lǎi ciū ŏ̤ cò gṳ́ing bí-tiǎu.
- 14 Běng-cie̿ gṳ̀: gṳ̀ sī hǎi-ciě káing nêng giǎng diō̤.
