This page has not been proofread.
57
- Mǎ-tuo̿i, 21
- càng-di̿ sióng-liông, uā, Uòi lâ̤ uā, Giǎng tíng di̿ lâ̤; gṳ̀ ciū ŏ̤ mōng uòi . Iǒ̤ng-gǎ̤-sǐ nì ca̿-sū-dī ēng se̿ng gṳ̀ nī?
- 26 Lâ̤ uā, Giǎng nêng-di̿ lâ̤; ǐ giáng bă-sia̿ng ; éng-ṳē bă-sia̿ng dú chū Iǒ̤-hu̿ing sī síng-dí.
- 27 Ciū a̿ing Iǎ-Sú uā, Uòi ēng dǎ̤-dí. Iǎ-Sú uā, Uòi iǎ ēng iáu nì uā, uòi sī ka̿y sū-mū gṳ̌ing-ba̿ng ca̿ iǒ̤ng duói dī.
- 28 Iǎ-Sú ciū uā, Cì-ciă nêng iǔ liòng-ciǎ gṳ̌in, giǎng-ce̿ng iáu duōi gṳ̌ing uā, Uòi gṳ̌ing, nì géng-diáu ko̤̿ bǔ-dǎu hṳ̂ing ca̿ dī.
- 29 Duōi gṳ̌ing a̿ing uā, Uòi ēng ko̤̿, hē-mṳě ho̿-ki̿, ciū ko̤̿.
- 30 Giǎng-ce̿ng iáu di̿ nī gṳ̌ing iǒ̤ng-gǎ̤-sǐ uā, Di̿ nī gṳ̌ing uā, Dá, uòi ko̤̿, hē-mṳě ēng ko̤̿.
- 31 Í nì siǒng iǒ̤ng liòng-ciǎ gṳ̌ing, nī cì-ciă sī í-diū dá gâ̤ séng-i̿ ko̤̿ ca̿?
- 32 Éng-ṳē Iǒ̤-hu̿ing dṳ̌ing ngī gâ̤ dàu-lǐ hā iǒ̤ng-di̿ lâ̤; nì eng se̿ng gṳ̀: siú-sṳe̿ iáu ca̿ gī-mâ gâ̤ nêng se̿ng gṳ̀: nì chū-gi̿ng iǒ̤ng dī làu, hē-mṳě gōng eng ho̿-ki̿ ko̤̿ se̿ng gṳ̀.
- 33 Nì cuo̿i tia̿ng-nī cì-ciă bǐ-piāng : Iǔ ciǎ gá-cṳ̌ kṳé-hṳ̂ing cá̤ bǔ-dǎu chiū, gǒ̤ng-lǒ̤ng-kṳ́ing diě-diū dṳ̌-hṳ̂ing-piáng, hṳ̂ing-di̿ lé cì-ciă cà ciǔ gâ̤ sù-cài , kṳé cì-gáing lê, cú nǎ dǎ-hṳ̂ing gâ̤ nêng, ciū ko̤̿biě dī-huó̤ng.
- 34 Guǎ-ciě chá-bǔ-dó̤ dǎ̤ gâ̤ sî-hē , gá-cṳ̌ ciū hǎng gṳ̀ gâ̤ nû-gě ko̤̿, iáu dǎ-hṳ̂ing gâ̤ nêng siú guǎ-ciě.
- 35 Dǎ-hṳ̂ing gâ̤ nêng nà-diū gṳ̀ gâ̤ nû-gě, cì-ciă nà lâ̤ mà, cì-ciă huōi-sǐ-tiāu, cì-ciă nà ciō̤ lâ̤ ià.
- 36 Gá-cṳ̌ ǐ hǎng biē gâ̤ nû-gě ko̤̿, piāng tê-chîng ga̿ing cāi: dǎ-hṳ̂ing gâ̤ nêng iǎ sī iǒ̤ng-gǎ̤-sǐ duòi gṳ̀.
- 37 Hē-mṳě hǎng gṳ̀ gâ̤ gṳ̌ing ko̤̿, séng-dǐ gō̤-siǒg, Gṳ̀ cǒng ŏ̤ ge̿ng-dōng uòi gâ̤ gṳ̌ing.
- 38 Dǎ-hṳ̂ing gâ̤ nêng chū-gi̿ng gṳ̀ gṳ̌ing, ciū càng-càng-di̿ sióng-liông, uā, Iǒ̤ng ciǎ sī dǎ̤ sú-ngiè gâ̤ nêng ; uôi-huōi-nêng mǒng huōi-sǐ-tiāu gṳ̀, chiǒng gṳ̀ gâ̤ sú-ngiè.
