This page has not been proofread.
611
iii. iŏ̤-hu̿ing.
cǒng-lâ̤ cì-bĭ-dā̤ í-diū Gí-Dŭ gâ̤ dàu, iŏ̤ng nêng iáu Dá, iáu Gṳ̌ing, dú iǔ gúing-niǎ.
- Lâ̤ iǔ nêng da̿u nì ŭ-di̿, dṳ̌ing gâ̤ ēng sī iŏ̤ng dàu, nì ciū ēng niōng ciĕ-duòi gṳ̀ da̿u chio̤̿, iǎ ēng niōng iáu gṳ̀ chiǎng-úing:
- Iǔ nêng iáu gṳ̀ chiǎng-úing, ciū so̤̿ng sī iáu gṳ̀ câi-câi ca̿-ŏ̤.
- Uòi gu̿ iǔ cèng cāi dī iáu nì uā, ēng niōng nà mà̤ iáu cṳě siǎ-diū: uòi cèng siǒng ko̤̿ nì ŭ-di̿, dó̤ng-mīng iáu nì uā, o̿ nì gâ̤ ka̿u-uòi ŏ̤ sí-cṳ̆.
- Iáu nì câi nă Cṳ̌ tĭ chṳ̆ lâ̤ gâ̤ ci̿-mṳē gâ̤ gṳ̌ing, dú iáu nì chiǎng-úing.
Sǎ̤-dǔ Iŏ̤-hu̿ing Sáng Sṳ́.
 |
 |
 |
|
|
- Ca̿ chîng-bo̿ gâ̤ siǎ se̿ng gṳe̿ nă cèng o̿ gâ̤ hiáng-dī Gá-iǔ, ciū-sī uòi ì-cài cèng o̿ gâ̤.
- ¶ Cèng o̿ gâ̤ hiáng-dī à, uòi o̿ nì mǎu-lō̤ng sū-mū dī dú ŏ̤ sē̤ng, séng-tǐ ŏ̤ ngāing-că, su̿-siōng nì lěng-ô̤ng gâ̤ dī cèng sē̤ng ĭ-búing.
- Iǔ hiáng-dī lâ̤ ca̿ gúing-ce̿ng uā nì chěng-ì, ciū-sī nì ǎing-gēng dú í-diū céng gâ̤ dàu-lǐ, uòi ciū cèng ka̿u-uòi.
- Uòi tia̿ng-nī nêng uā uòi gṳ̌ing ǎing-gēng dú sī í-diū céng gâ̤ dàu-lǐ, uòi gâ̤ ka̿u-uòi ciū mǎu piāng iŏ̤ng ga̿ing duōi gâ̤.
- ¶ Cèng o̿ gâ̤ hiáng-dī à, nì ciĕ-duòi ca̿ kă gâ̤ hiáng-dī, ca̿ ŭ duói dī, dú sī dé̤ng-séng ca̿;
- Iŏ̤ng duói nêng da̿u ga̿u-hō mīng-chîng ca̿ gúing-ce̿ng uā nì iǔ o̿-séng: nì lâ̤ hō̤ Ciōng-Di̿ gâ̤ dàu so̿ng gṳ̀-huo̿i-nêng diō̤-di̿ gâ̤ bûing-dǐng, iŏ̤ng-gă̤-sĭ ca̿ ciū-sī hǎu:
