This page has not been proofread.
64
mǎ-tuo̿i, 24.
- 31 Iǒ̤ng-gǎ̤-sǐ nì cī ca̿ cī gâ̤ gúing-ce̿ng, uā nì sī huōi-sǐ síng-dí gâ̤ nêng gṳ̌ing-só̤ng.
- 32 Nì ko̤̿ dó̤ng-mǔing liông nì cǔ-cóng cò-ǒ̤ gâ̤ gǒ̤ng-dě.
- 33 Nì sī ṳê, sī dù-ṳê gâ̤ gṳ̌ing-só̤ng, nì nī-di̿ ŏ̤ pī-tiāu dī-ngṳ̀ gâ̤ hěng-huǎ nī?
- 34 Gu̿-chu̿ uòi ŏ̤ hǎng síng-dí, chóng-měng gâ̤ nêng , iáu nāng-sṳ́ nêng hā nì ǔ-di̿ ko̤̿; dǐ-bíng iǔ ŏ̤ nǎ nì huōi-sǐ-tiāu iǎ iǔ ŏ̤ nǎ nì da̿ing-sǐ da̿u sí-cī-ga̿, iǎ iǔ ŏ̤ nǎ nì hā lǐ-ba̿i-dǒ̤ng-di̿ nà bíng lâ̤ mà, iǎ iǔ ŏ̤ nǎ nì giǎng iǒ̤ng sêng bǐ-là̤ ko̤̿ ǔ sêng:
- 35 Iǒ̤ng-gǎ̤-sǐ si̿-gáing huōi-sǐ ngī-nêng, lâu gṳ̀ gâ̤ huǎi da̿u diá-di̿, iong cò dú ŏ̤ gṳ̀ da̿u nì séng-di̿, giǎng lâu ngī-nêng Ngā-bǎ gâ̤ huǎi-di̿ kǐ, cì-dā̤ da̿u lâu Bǎ-là-gá gâ̤ gṳ̌ing Sǎ-gá-lī-ngā gâ̤ huǎi-di̿ cǐ, iǒ̤ng Sǎ-gá-lī-ngā ciū-sī nì da̿u dāing iáu ci̿-duǐng gâ̤ dô̤ng-ó̤ng-séng-di̿ huōi-sǐ-tiāu gâ̤.
- 36 Uòi ì-cài iáu nì uā, Iǒ̤ng cò dú ŏ̤ gṳ̀ nǎ iǒ̤ng cì-si̿ gâ̤ nêng.
- 37 Iǎ-lū-sǎ-lǎing à, Iǎ-lū-sǎ-lǎing à, nì huōi-sǐ síng-dí, ǐ nà ciō̤ ià-sǐ nǎ Cṳ̌ hǎng da̿u nì iǒ̤ng-di̿ lâ̤ gâ̤ nêng, uòi cāi lê̤ng o̿ liàng nì gâ̤ gṳ̌ing-ciě lâ̤ ca̿ cì-dó , su̿-siōng gái-ma̿ liàng gá-ciě lâ̤ pǔ hā siē à-di̿: nì gu̿ da̿u ēng o̿.
- 38 Nì gâ̤ chio̤̿ cǒng ŏ̤ bi̿ng ca̿ huáng-biâng.
- 39 Uòi iáu nì uā, Ka̿u-diū Cṳ̌ miâng lâ̤ gâ̤ nêng sī iǔ hǔ-ki̿; da̿u ǔ sî-hē ciū ŏ̤ chū-gi̿ng uòi.
Di̿ 24 Cióng.
- Iǎ-Sú giǎng dāing-di̿ chṳ̆ lâ̤, dō̤-di̿ giǎng gâ̤ sî-hē; hă-sáing giǎng-ce̿ng lâ̤, nà dāing-di̿ gâ̤ gáing-ga̿ bǐ nă Iǎ-Sú chū.
- Iǎ-Sú ciū uā, Nì chū-gi̿ng dāing-di̿ iŏ̤ng duói mî-dī, uòi ì-cài iáu nì uā, Hē-lǎi mài diōng-diū cì-tī ciō̤ lō̤ da̿u ciō̤ ciōng-bíng dú ŏ̤ bǎing-tiāu.
