paghikanit ha kabaralsan. Ayaw kita pagpakalurong,
buhata ta an sugad han mga hesuwistas!
-Oy, oy, P. Fernandez! diri, diri; ngatanán mahitutugot ni P. Sibyla kundi diri hiya sidngon nga nagsubád han mga hesuwitas. Ikinukurog ngan ginduduas, nagyinakan hin magpait nga kasiribton.
-Siyahan pransiskano... bisan ano ugsa maghesuwita! nagsiring duro an kasina.
-Oh, oh!
-Eh, eh! Padre p....! Namay-balingkot ngan an ngatarán inmirog, waray na panhihinumdom han Kapitan Heneral; nagdudurungan pagyakan, naggugugliat, waray pagkakasarabot, nagkakatiripa; hi Ben Zayb say kasibang ni P. Camorra ngan naggigipakumulkumol han mga kamaoo, an usa nagyiyinawyaw hin mga kagangsaan, an usa man nabulós pagyamó hin mga magdila hin tinta: hi P. Sibyla nahananabi han Capitolio ngan hi P. Fernandez han Summa ni Santo Tomas ug iba pa tubtob nga sinmulód an kura ha Los Baños pagpasabót nga andam na an pamahaw.
Hi Su Ekselensiya binmuhát salit nautód an baragwati.
-Ta, ta, mga senyores,- nagsiring; -namagkabudlay na kita yana sugad hin mga uripon nga negro; ito ngani nga iini kitá nagbabakasyon! May nagsiring nga an dagko nga mga asunto dida na ha mga postre angay paghiruhimangrawon. Uyon gud ako hito nga panhunahuna.
-Pamamagsuulan kita hin tiyán, nagmugó an Sekretaryo nahananabi han kamanga-init na ha pangatadungan.
-Ta, kun amo ikakadto ta ha sunod nga adlaw, buwás.
-Ngatanán namagkabuhat.
-Ginoo nga Heneral,- nagyakan an Hataas in Katungdanan; an anák ni Ginhaupan Tales binmalik. ngan pangaro nga buhian an iya apóy nga masakit, nga say gindakop kay saliwan kan iva itáy....
Siniplatan hiya ni S. E. dara in kaurit ngan hinmapyod han agtang.
-Palipak! Bisan ha pamahaw diri ako tinutugutan nga mawaray ko kasamukan!
