kakulóp? nagpakiana pagbalhin han himangraw.
-Kakulóp waray klase.
-Ohó! Ngan kasangkulóp?
-Buáng ka? Jueves!
-Matuod, kalurong ko! Maaram ka, Placido, nga nagtitikaluróng ako? Ta, hadton Miercoles?
-Hadton Miercoles? Bay'anay... hadton Miercoles tinmarahiti.
-Sapák! Ta, hadton Martes, tsiko?
-Hadton Martes kaadlawan han propesor ngan gindad'an namon ngadto hin orkesta, hinugpong nga bukád ngan hin mga regalo...
-Ay, kanugon! -nagsiríng hi Juanito, —nahangalimót ako hito, kalurong ko! Pamati daw, waray pagpakiana ha akon? Hi Penitente nagpakuro la han sugbong.
-Ambot, kundi dinulhan hin lista hadton mga nagpahalipay.
-Kanugon! Pamati, hadton Lunes ano in nahinabo?
-Tungod kay siyahan pa la nga adlaw han pagbu- kás han klase nagpasalista la ngan maghatag hin leksiyon: an mahatungód han mga espeho. Aadi man: tikang dinhi tubtob ngadto minimorya, tanog gud kaupay waray sayop.... ini dinhi linaktawán, ngan ini upód!
Ngan tinudlok dida han Fisica ni Ramos an mga bahin nga pag-aadman, kundi ha gilayón linmupád an basahán kay tinaplong ni Juanito tikang ha ubós tipaigbaw.
-Hombre, umasa ka man hin mga leksiyon! Ini nga adlaw himua ta nga pitsido! An sinisiring nga adlaw nga pitsido han mga estudyante amo an naiipít hin duduhá nga pyesta, salit diri na ginagamit kay dapit napupugá dará han kaburut'on han mga estudyante.
-Maaram ka nga uraura ka gud man hin kaanimál?
-binmatón hi Placido nangingisog nga napurot han iya basahan ngan mga papel.
-Himua ta ini nga adlaw nga pitsido,-nagsisiniring hi Juanito.
Hi Placido diri buót; duha la in makulang diri nag-uundang han klase nga kapin hin uusá kagatós kalim'an. Nahanunumdom hiya han kagul'anan ngan han paghalót paggasto ni iya inay nga amo an nagpipinadara ha iya
