lirik han mga bitiis han kadaragan'an kun lumukso pag- hawas dida han kotse; usahay usa nga estudyante nga nagawás, an pagdiyós inaabat ha iya kahimo; hinmapít ha singbahan pangaraba han Virgen nga buligan hin pag -tukib han leksiyon, panginano kun nakadto an iya hini- gugma ngan makikigsiplatay ha iya ngan unina masulód ha klase dará an pagdumdom han iya maghigugmaon nga mga matá.
Kundi dida han mga tarambak inabat in kiwá, usa nga pagpamulat, ngan hi Isagani nahapaukóy; ha tungod han purtahan pinmara in usa nga sarakyan nga dinanas han magpadis nga kabayo nga buság nga kilala kaupay. Amo an kotse ni Paulita Gomez, ngan iní linmukso pag- hawas, malaksi bagá an tamsi, waray tagi an mga pilyo hin panahón pakakitá han iya mga bitiis. Usa nga maka- ruruyag nga kiwá han lawas ngan hin usa nga paggamit han kamót ha paghapyod naayád niya an kakurumós han iya saya, ngan in usa nga malaksi nga siplat ug daw usa nga kalipát, nakakita kan Isagani, sinmaludo ngan hinmi- yom. Hi donya Victorina hinmawas man liwát, naniplat kabulig an iya mga kibido, nakakitá kan Juanito Pelaez, hinmiyom ngan sinmaludo hin makisasangkayon.
Hi Isagani namumulá hin kalisang, nabatón hin na- hakakaaló nga saludo; hi Juanito kinmaób hin halarom, tinmukás han kalo ngan binuhat an sugad nga kiwá han kanán bantugan nga gupón nga hi caricato nga amo hi Panza kun ginpaparakpakan.
-Mecachis! Palipak nga daraga!- nakasiring in usa nga nag-iilalakat; -sidnga iton propesor nga duro ako hin kamasakit.
Ngan hi Tadeo, kay amo an masakit, sinmulód ha singbahan pagsunód han daraga.
Hi Tadeo napakadto adlaw-adlaw ha Universidad pagpakiana kun may klase, ngan ikinapagkadto nahapa- pausa kay ano nga may ada: nasulód ha iya hunahuna nga may ada cuacha nga dayon, kadiri pa paglutáw, kundi mga sano buwás mahananabo. Ngan ikinaaga, ka- tima pag-agda hin diri sinusugot, nga magkalakat pag- lakwatsa, malakát napasangil hin damo nga buruhaton, mga saad, mga sakit, ha uras pa ba nga an mga kataram- po magkakasulod ha klase. Kundi, ambot kun ano nga salamangka inin iya ginagamit, hi Tadeo unob nakaka-
