nagsayop nakatuló. An Katedratiko nagtangotangó, binuksan hin hinayhinay an lista ngan pagsulsugon ginlilinuwas an mga ngaran hin hinay nga tingog:
-Palencia... Palomo... Panganiban... Pedraza...Pelado... Pelaez... Penitente, aha! Placido Penitente,.nanapulo kaglimá kaadlaw nga tinuyo pag-awán....
Hi Placido tinmikig.
-Napulo kaglimá, Padre?
-Napulo kaglimá nga tinuyo nga awán, nagpada- yon an katedratiko. -Uusá na la in kulang basi ka paraon dida ha lista.
-Napulo kaglimá, napulo kaglimá nga awán?- ginbibinalikbalik ni Placido, nalilipong; -nakaupat, ikalima yana, kun baga!
-Husito, husito, sinyoliya!"- binmaton an katedratiko nga nagtitinutók han batan'on ha bawbaw han iya binulawanan nga salamíng. -Nagtutug-an ka nga naka-limá ka na awán, ngan sayod an Dios kun may ada pa iba! Atqui, tungod kay talagsa la ako magpasalista, ha ikinapakaabát ko hin awán binubutangán ta ikaw hin limá nga bagis, ergo, pipira an lilimá kataglima? Bangin ka nahangangalimót na han tabla pagmultiplikar! Lima kataglima?
-Karuhaan kaglima.
-Husito, husito! kun sugad nakakahimos ka pa hin nanapulo, kay nakatulo ta la ikaw hidakpi... Huy! kun hidakpan ko ikaw ha ngatanán nga awán... Ngan pira man an tulo kataglima?
-Napulo kaglimá....
-Napulo kaglimá, pareho, kamaron y kangreho Tinapusan han katedratiko ngan takumon an lista;-kun magmausá ka pa, sulung! apwera de-la-fuerta! Eh! Ngan yana usa nga sayóp ha leksiyon.
Binuksan liwat an lista ngan bilngon an ngaran ngan butangan hin gutiay nga bagis.
-Yana usa nga gutiay nga bagis!- nagsiring,―kay waray ka pa mausá!
-Kundi, Padre, nabaribad hi Placido, nagpupugóng ha iya ngahaw; -kun butangan ako ni V. R. hin falta ha leksiyon, angay paraon ni V. R. an ha pag-awán nga imo ibinutáng ha akon yana nga adlaw!
An Reverencia waray bumatón. Siyahan ibinutanganay an bagis, ginkinita, nahilig an ulo, an bagis tingali
