himangraw. Didá hadto nga dalan waray mahihil--után
hin usá nga diskurso nga angay pagluwasón.
-Ayaw ini pakaintrimisá la, -nagsiring; -ungodungod ini nga butang.
-Tabangan ako sa Dios hin pag-inintrimes nga may mga prayles nga nanhihiupód!
-Kundi, anó in ira pasasarigan?
-Tungod kay an mga klase, kay bubuhaton man ha gab-i, -nagpadayon hi Pecson hin sugad nga tingog, daw sugad hin nakatará hin daan kilala ngan hin-aaraan nga mga kahimtang, -mahihimo pakasidngon nga an makauulang amo an inmoralidad sugad han liburan ha Malolos...
-Liwat! Kay diri ba nasuno man didá han maitóm nga sukrob han gab-i iton mga klase han Academia de Dibujo, ngan hiton mga nobenaryo ug mga prosisyon?
-Nagpapasipara patok han dungóg han Universidad, nagpadayon an matambok waray pagtagád han pangatadungan.
-Maano kun magpasipara! An Universidad kina- hanglan mag-alagyam han mga kinahanglanon han mga estudyantes. Kay kun matuod ito, ano man in gamit hin usa nga Universidad? Usa nga kahimuan nga gintuyo basi waray makag-arám? Nagkatitirok ngayan in pipira katawo nga nagdadará han kinaadman ngan hibaró kay an tuyo pag-uláng nga manhibaró an ibá?
-Tungod kay an mga pagtikáng hin panhunahuna nga tikang ha ubos ginngangaranan nga paglaris...
-Ngan mga proyektos an natikang ha igbaw, -sinmumpay in usá; -aadá itón Escuela de Artes y Oficios!
-Hinayhinay, senyores,- nagsiring hi Sandoval;- diri ako makiprayle; kilala inin akon panhunahuna nga liberal, kundi ihatag ta kan Cesar an nahatutungod kan Cesar! Hitó nga Escuela de Artes y Oficios, nga ako amo an labi katigsad nga umurugop, nga an kahimuan hito akon ginhahangad nga asya an siyahan nga kapapaw'on hini nga mga baraan nga kapupud'an, hitó nga Escuela de Artes y Oficios say nag-akós an mga prayle....
-O an ayam nga diri say nakaon han banwa, amo la gihapon, nagyakán hi Pecson nga binmalik pag-utód han diskurso.
-Hala, p----! -nagsiring hi Sandoval nga nauurit nga binul-angán ngan nawad-an han sumpay
