daw ngahaw ikakulang hin pasyensiya hin usa nga Joba, usa ini nga ngaran nga kan donya Victorina inaangkon kun daw iginkakabalingkot.
Ngan an maraot nga kaburut’on han ginang nadugang ikinapagguliat han Kapitan lain baborp! estriborp.a dagos han mga garumete ituturok han haglaba nga tukon dida han too nga pangpang, kun usa naman ha wala, bulig hin pangusog an ira mga tiil ug mga sugbong, hapaghirot nga an barko bumangga didto. Dida hini nga kahimtang an sakayan han Estado, diri na kay hangag la kundi kay nagigin-alimango ha ikinapaghisum-ak hin kataragman.
—Kundi, Kapitan, kay ano nga ngadto patatadunga hiton imo mga lurong nga mag-urulin, diri lugod ngadi ha luyo?
—Kay dida hababaw, ginang,—nabaton an kapitan hin hinayhinay, may upod nga hinayhinay man nga kiro.
Hin-aaraan ini han Kapitan nga gutiay nga batasan sugad hin dati niya nga pagtugon han iya ngahaw mga pulong nga magkagawas hin “hinay, hinayhinay la!”
—Medya makina, hala! ano nga medya makina?— nariwa nakakatamay hi donya Victorina; —kay ano nga medya la diri ubuson iton makina?
—Kay aadto daw kita pag-aagi ha butnga hito nga kahagnaan, ginang,—nabaton an Kapitan hin waray kaalantad, pinamumud-ot an mga im-im tipakadto han mga kaumhan, ngan pabunyugan hin duha nga kiro nga daw kinumpasan.
Kilala hi donya Victorina didto hadto nga mga nayon tungod han iya mga tulos ug mga ungara nga labis ha kasadangan. Makitatampuhon ha sociedad ngan inuungayan na la kun nahauupod niya an iya umangkon nga hi Paulita Gomez, gimahusayi ngan gimanggarani nga daraga nga ilo ha amay ug hoy ngan gin-agak ni donya Victorina hin kinag-anak. Han dako na an iya panuigon pinmakasal hiya hm usa nga waray palad nga ginngangaranan kan don Tiburcio de Espadaña, ngan ha mga panahon nga aton iginkakakita may ada na nanapulo katuig an ha pagkaasawa, tinal-ob an buhok ngan alid-agid hin inurupanhon an pamanapton. Kay an bug-os niya nga paghingyap amo an pagkaurupanhon, ngan tikang hadto nga dimalas nga adlaw han pagkasla ha ha, salamat hin mga buhat nga haros pagtalapas, nahimo niya
