nga tugób hin mga paghingyap nga mauláng.
-Pasalamat, kasangkayan, pasalamat! Mabuhi!— ginmuliat hadto ngahaw in usa nga batan'on nga inma- bot ngan ginmakós han ngatanán.
-Pasalamat, kasangkayan! Mabuhi an yinaknan nga kinatsilá!
Usa nga pauros hin parakpakay an itinapó hini nga sumat, nanaggipagakusgakos, ngatanán may naginggat nga luha ha mga matá. Hi Pecson amo la an nagtitinawa hin kanán waray paglaom.
An inmabót nga nagdadará han maupay nga sumat amo hi Makaraig, an nangungulo hadto nga pangaro.
Ini nga estudyante amo an naukoy didto hadto nga baláy hin duduhá nga sulód nga iya gud la nga usá, nga minanggaranon an ayád, may ada niya suruguón, may kotsero nga nagmamangno han iya aranya ngan han mga kabayo. Mabakod an tindog, mahamis an pangilos, himiste ngan manggaranon nga gayód. Bisan kun nag-aarám han Derecho (pagkaabogado) kay basi la mamay-ada titulo academico, bantog nga matuon, ngan tungod kay maupay magyakan hin sugad han mga hibabruanon, waray niya ikinaaawa bisan han labi kamagkusóg lumantugi didto ha sakob han Universidad. Kundi diri urhi ha mga panhunahuna ngan mga kinabag-o nga gawi; an iya salapi nakakahatag ha iya han ngatanán nga basahan ngan mga pahayagán nga diri napupugngan pagsangpot ha iya han tinapuran ha paghikay kun tugot o diri. 5 Tungód hini nga mga kinaiyá, an iya kasangyaw nga maisog, an iya mga gindag'an nga kirigta han barubatá pa hiyá ngan an iya mahamis ngan mahusay nga panulos ha pakig-angay, diri urusahon nga dako an iya gahóm dida han iya mga katarampo ngan salit napili nga say magpalakát han makuri nga talinguha nga amo an pagtutdo han kinatsilá.
Paglabay han siyahan nga usbok han mga kasindak nga didá han mga batan'on unob nga nalapwas ha kasadangan tungod kay pinakakamahusay an ngatanán nga ginkikitá, nanginsayod na ngahaw kun tipaunano an kamutangan han mga butáng
-Kanina han aga iginkita ako kan P. Irene, -nagsiring hi Makaraig baga dapit urusahon.
- Mabuhi hi P. Irene! -ginmuliat in usa nga es- tudyante nga nasisindak.
