-Oo!- nagsiring pinabudlot an simód ngan mag- kinalot han kadangasán; -waray ha akon malupig hin paghigugma hini nga tuna ngan didá ha paghingyap hin mga kauswagan, kundi.... diri ako makakagsaad.... ambot kun sayod kamo hinin akon kamutangan, usa nga kamutangan nga may kahihirutan damo ínin akon mga pagkakalugaringon kinahanglan ako kumilos ha sakób hin uraura kahiligutay nga ginigiu- san... uraura kamakarít...
An batan'on karuyag han abogado paglipungon hin magpakaruruyag nga mga pulong ngan nagtikáng hin pagyinakan hin mga balaod, mga dekreto, ngan nauraura hin pagyinakan nga waray lugód an batan'on say malipong kundi hiyá la ngahaw in haros say nahasagapót didá han nagugumok na nga iya lunlon nga iginsinumat.
-Waray namon tuyo pagbutáng ha imo ha makarít nga kamutangan;nagbatón hi Isagani hin waray kaalantad; gawson kami sa Dios didá ha pagmolestya bisan magutiay la han mga tawo nga ginpupulsan han kadak'an han mga pilipinhon! Kundi magdiano hin ka- diri ko batid han mga balaod, reales decretos, mga kasu- guanan ngan mga paglaladngan nga ginsusugót dinhi ha aton tuna, diri ako matuod nga may ada maraot didá ha pagbulig han hagtaas nga mga tuyo han gobyerno, hin pagtalinguha han santop nga pagkatukib; magsama an amon magkasi tuyo, didá la kami pagkakabulág ha mga paagi.
An abogado hinmiyom: an batan'on naalagád ngadto ha ibá nga himangrawon ngan didto iya paglulurungon, ngan lurong na ngani.
-Hingan man ngani amo ito an quid siring pa han siringanon; kaiya daw la nga darayawon an pagbulig han gobyerno kun an pagbulig may pag-alagád, pagsu- got han iya mga kaladnganan, han matadong nga espiritu an mga balaod nga uyon han matadong nga ginmama- tuuran han mga gobernantes ngan kinahanglan diri matipa han daan ngan kasahirán nga panhunahuna han mga tawo nga say naghuhupót han kamurayawan han kadam'an han mga tawo nga nanhihiapi hin usa nga katilingban. Ngan salit pagtalapas, ngan angay sirutan, kay nakakasingit han hataas nga tinikangan han pag-burut'an, an pagpasipara pagbuhat hin diri tultol han pag-uná han gobyerno bisan pa sidngon nga mauruupáy, kay an sugad nga buhat makakabuong han maupay
