ha Guadalupe, sugad han pulong han akon anak, nahahabol ngan nababakad... an mga kabubhisan...
—Ngan ikaw kinukurian ka!— nagsiring in usa. — Yana nga paggagawad pa la han Heneral hin dekreto papagguba han mga balay nga pawod! Ngan ikaw damo iton imo baligya nga sim!
—Oo!—nagbaton hi don Timoteo;—Kundi, an nagasto ko hi to nga dekreto! Unina iton pagguba diri bubuhaton kun diri ha sakob hin usa kabulan, ngada han pag-abot han kwaresma; kaduwas umabot pa in iba nga sim... mauruupay ko gud kun nan-guba dayon, kundi... Ngan labot pa, uunanhon in pakapamalit hiton mga tagiya hito nga kabalayan kun ngatanan mga kablasanon?
—Mahihimo mo gihapon hin kapalit iton ira mga balay hin barato la...
—Ngan unina igpaisol mo an dekreto ngan igbaligya mo liwat ha mga tag-iya an ira mga balay hin doble han imo palit... Ito ngahaw in negosyo! Hi Simoun hinmiyom hin mahagkot, ngan han pakakita kan insik Quiroga nga nagtitidaop binayaan an mga komersyante nga mag-aringasa ngan dumaop pagtapo han magiginkonsul. Ini han pakakita ha iya, nawad’an dayon han dagway nga kanan natumanan, ngan nagdara hin bayhon nga kanan komersyante ngan dinmuko. Hi insik Quiroga natatahod hin duro han alahero, diri la tungod kay sinisiring niya nga duro hin kamanggaranon, kundi tungod liwat han mga huringhuring nga iginkakasabot kuno han Kapitan Heneral. Sinisiring nga hi Simoun nauyon han mga inuungara han insik, uyon nga mamay-ada konsulado, ngan in usa nga pahayagan nga nadiri han insik nahananabi ha iya ha luyo hin mga pasambingay, paaliday ngan mga pabang-aw didto han nahasangyaw nga polemica kontra hin igkasi pahayagan nga ugop han mga tawo nga may mga talunay. May mga tawo nga labi kamaghiniruton nasiring, salakot hin kiro ngan hm mga tinag-usa kapulong, nga an Eminencia Negra nagsisinagduiion han Heneral nga gumamit han kainsikan hin pagpahaubos han magtig-a in kabuot nga mga didtuanon.
—Basi in usa nga bungto umampo,—nagsiring,— waray masugad nga paagi han pagpahaubos ngan pagpakaalo ha ira dida ngahaw ha ira atubangan.
Ha gilayon iginkita hin usa nga higayon.
An pundok han mga mestiso ngan han mga didtua-
