ngan managtiawtiaw han pagkabinunyagan. An mga
didtuanon ngan han mga mestiso nagkatutumanan ngan
namagtigaman hin diri na pagkinarag hin panahon ha
sugad nga kabinuangan.1
Hi Quiroga nag-aamuma kan Simoun ha iya binalbag nga yinaknan ngan han mapinaubsanon nga hiyom; an iya tingog mainugayon, kanunay an yuruyukbo, kundi ginsalang han alahero han pagpakianhi hin tigda:
—Ano, hin-ayunan han mga pulseras? Tungod hini nga pakiana an ngatanan nga laksi ni Quiroga nagpapas sugad hin inop; an tingog nga mainugayon naginmakaluluoy, dinmugang pagduko nagbindito han kamot ha tungod han nawong, nga amo an pakimaluoy han insik, nagngawngaw:
—Hun, sinyo Simoun! Ako pililo, hapay tintahan!
—Kay ano, insik Quiroga, pirde ngan tumba na an negosyo? Ito nga mga botelya hin tsampan ngan hiton kadamo nga kumbidado! Hi Quiroga pinmiyong ngan magmud-ot han sirnod. Hss! Adto nga panagtawo ngan an mga pulseras amo an nakatumba han iya tindahan. Hi Simoun nahapahiyom: kun in usa nga komersyante nga insik magpinamaribad nga perdido, karuyag sidngon nga maupay in lakat han bisan ano; kundi kun magpakamaupay in kita, ito karuyag sidngon nga may despalko o tikaralagiw ngadto ha ira tuna.
—Ikaw dili alam ako pililo, hapay tintahan? Ah, sinyo Simoun, ako hapay!
Ngan an insik, basi pagmatuuran an iya kamutangan, nagpakita han hapay ngan nag-imakaturumba.
Hi Simoun tinatawatawa ha iya, kundi nakapugong ngan nagsiring la nga diri hiya maaram, nga waray gud hiya kalibutan.
Gindara hiya ni Quiroga ngadto hin usa nga sulod ngan didto nagsada hira han guwaan, ngan pagsayuran han iya nasugaran.
An tulo nga pulseras nga iya kinuha kan Simoun kay ipakikita ha iya asawa, diri para hini nga makaluluoy nga indiya nga waray gawasgawas didto han iya sulod sugad hm insik, kundi para hin usa nga mahusay nga dako nga senyora, nga sangkay hin usa nga dako nga senyor, nga may ada gahom nga amo an iya ginkikinahanglan dida hin usa nga negosyo nga iya makukuhaan
