matá, nagpalibanglibáng ako ngan ginpadayon ko pagbasa an ikaduhá nga pulong. Igo la nga akon naluluwás,
an kahunkahon natakpan, an ulo nawará ngan say la
nahabilin an usa kakumo nga agbon. Waray la ako
kalibutan hin-agián ko an duha nga pulong nga labi hin
kamakagagahom ha sakob han kalibutan, an mga pulong ha paglaráng ngan ha pagbungkag, mga pulong ha
kinabuhi ngan ha kamatayon!
Inmukoy nadaliay panginano han lara han iya susumaton. Katima, ha sinukól nga pitád, dinmaop han lamisa ngan ibutáng didto an kahunkahon.
-Mister, iton tabón walisá!-nagsiring an diri mawaring nga Ben Zayb.
-Ano in kadiri?- nagbatón mainalagdon hi Mr. Leeds.
Ngan puruton han too nga kamot an kahunkahon, kinuha han wala an tabon ngan nabukasán an lamisa nga kinita nga natindog ha tutuló nga tiil. Ibinalik pagbutang an kahunkahon ha bawbaw han lamisa, ha butnga, ngan mananong dinmaop ha magkirita.
-Yaná kikitaon ta kun ano in bubuhaton!- nagsiring hi Ben Zayb ha iya kasapit; -kikitaon mo nga magawas in bisan la ano nga baridad.
An duro nga paniid inaabat ha ngatanán nga nawóng, waray may nagtitingól. Binabati hin dayág an maaringasa nga rakya tikang ha kalsada; kundi an ngatanán pinahihikalasán salit waráy ha ira may naalantad han halipot nga batunbaton nga binabati tikang ha gawás.
-Polke ba no di podí nisós entrá?-nagpapakianá in usa nga tingog hin babayi.
-Abá, senyora, polke talyá el maná prayles y el mana empleaw,-binmaton in usa katawo; -ta hasé solo para ilós el kabesa de espinhe.
-Kuryoso tambyen el maná prayles'-nagsiring an tingog hin babayi nga nagtitiharayo; -nokyere pa ki di sabe nisós kwando ilos ta salí ingganyáw! Kosa? Kerida ba del prayle el kabesa?
Ha butnga hin dako nga kamingaw ngan an tingog daw nakurog, nagpadayon an amerikano:
-Senyoras ngan senyores: ha usa nga pulong babanhawon ko yaná ini nga uusá kapurót nga agbon ngan kamó igkakahimangraw hin usa katawo nga sayod hin
