ngan in usa nagsiring nga hiya indiano, gintinawaan an iya mga panaghap, ngan nakausa ginbadyangasan hiya hin waray sukol han mga mangurutang nga waray niya pagtamuha. Waray hiya
aydn han mga conservadores nga diri nag-aasa han iya
mga sagdon, sugad man waray aydn han mga sudlot nga
namamagpahimulos la han iya salapi; inmapi hiya han
partido liberal, inmuli ha Pilipinas waray pa katatapos
an tuig, waray kabuldng an iya atay, ngan gumok an
iya mga panhunahuna.
An napulo kag-usa kabulan nga pag-ukoy ha Corte, kahiruhimangraw hin mga politiko ha cafe nga haros ngatanan mga nahukasan; an mga pira nga diskurso nga hinbatian did to ngan dinhi; ngan adto ngan adi nga artikulo han mga pangontra, ngan ngatanan adto nga usbok liin politika nga sakot han hangin nga giniginhawa tikang didto ha barberiya nga iginsusugabin han barbero pagsinumat han iya programa hamtang unob nag-iinarot, ngadto han mga bangkete diin nauunaw, ha magyagingying nga takna ngan ha mga pulong nga magkarit, an magkalainlain nga tuluuhan ha politika, mga ginkakatipahan, ginkakalarisan, ngan mga mag-ubahon ug iba pa, ngatanan adto, hamtang hiya nagtitikaharaya ha Europa, nangungudlot hin magkusdg nga saringsing didto ha iya hunahuna, daw binhi nga iginlumong kundi waray pakabuswak kay linalambungan, salit han pagduong ha Manila nakasiring nga iya pagpapatubuon ngan asya man gud naghupot hin hingpit nga katuyuanan ug mga uray nga paghingyap.
Ha siyahan nga mga bulan han iya pag-abot puro la pagsinumat maha tungod han mga butang ha Corte, han iya mag-upay nga kasangkayan, kan ministro Tai, exministro Cual, hi diputado C, an manunurat nga hi B: waray hinabo ha politika, eskandalo ha Corte, nga diri hiya sayod pati han talagudti nga kaagi; waray pagkatawo nga diri niya kilala an kinabuhi pati an iya mga hinilom, waray hinabo nga diri niya igintagna, waray ginliwat nga sugo nga diri anay ha iya ipinakisagdon kun and an baga ha iya; ngan ini ngatanan sinimbugan hin mga pakaraot han mga conservadores, hin ungud-ungod nga kasina, hin mga pagdayaw han partido liberal, hin halipot nga susumaton dinhi, usa nga pulong didto nga ginluwas hin dako nga pagkatawo, sakot, daw diri niya ka-
