para pagruhaduha han mga milagro o diri natuod han
kadiri pagsayop han Papa. An ngatanan nga sirot han Inquisition gutiay nga ihahatag han sugad nga pagpasipara,
Kun sinususnan nga an pagsakop o pag-ukoy nga nagpupulos han kawaray sarabutan may lain nga ngaran nga maraot pamation ngan sinisirutan han balaod kun an nakasala uusa la, binabaton niya ha pagpananglitan hin iba nga tuna nga sinakop.
—Kita, —namumulong ha tingog nga iya garamiton ha mga seremonyas, —kita makakahimo pagyakan hin dako nga tingog! Diri kitd sugad han mga ingleses ngan holandeses nga basi ha paghupot hin unob ha kasugtanan han mga bungto nagamit hin latigo . . . may ada kita usa nga paagi nga mahumok, labi hin kaseguro; an darayawon nga gahom han mga prayle labaw han latigo han ingles . . .
Ini nga pamulong na may ada kapalaran ngan kan Ben Zayb gin-ginamit hin nakadamo ngan sinmubad an bug-os nga Manila; gindidinayaw han Manila nga himinsar. An pamulong pinmaabot ngadto ha Cortes, hinnabihan didto ha Parlamento nga kuno kanan liberal de larga experiencia ug ibaiba pa, ngan an mga prayles nga ginpasidunggan han pagtarutanding ngan kinmita nga napadig-on han ira ngaran, nagpadara ha iya hin inarroba nga tabliya, regalo nga iginpabalik han diri mapalit nga don Custodio, ngan tungod hini nga kadarayawan igintanding hiya dagos ni Ben kayb kan Epaminondas. Kundi ini nga Epaminondas nga kinabag-o nagamit han uway kun dinudukloy, ngan iya iginsasagdon.
Hadto nga mga adlaw an mga kombento, nga nahadlok nga magluwas hiya hin katuhayan nga ugop han mga estudyante, kanunay an pagpadara ha iya han mga regalo, ngan hadto nga ku!6p nga aton ha iya pagkita uraura hin kalisang han ulo kay an iya bantog nga kamaabtik nahamumutang ha kataragman. May ada na kapin hin nanapulo kaglima kaadlaw nga nakadto ha iya mga kamot an espedyente, ngan hadto nga aga an hataas in katungdanan, katima pagdayaw han iya pangahas, nagpakiana mahatungod kun ano na an katuhayan. Hi don Custodio binmaton hin tiriguhon nga kadiri pagtawa, daw paghatag hin kahulugan nga natima na niya: an hataas in katungdanan nahapahiyom, ngan adto nga hiyom nakakaurit ha iya yana ngan nagsisinunod ha iya.
