pitik han iya mga tudlo;—didto an Heneral, ngan dinhi
hi P. Salvi... Kairo hini nga tuna.. . Kundi, ano man
akon?
Ngan magpakuro han sugbong dungan an paglura, duhA nga kiwA nga, dida ha iya tigaman han kadirimaalantad, nagpadayon han iya mga pag-inaw-inaw.
Hadto ngahaw duha nga kotse nagkaabot ha duro nga dalagan, nangukoy ha atubangan han purtahan ngan ilinuwA in mga taga hitaas nga katilingban. An mga senyora, bisan kun an tuman la nga may haruharupoy, nagpapakasul-ot hin mga mahal nga chal, mga panyolon nga seda ngan mga kurugpos ha mga mahagkot nga panahon; an mga senyores man mga de frac ngan may kurbata nga busag, nagpapakasul-ot hin gab an; an iba isinasablay ha butkon kay pagpakita han mahal nga apodo nga seda.
Dida han pundok han mga usyuso, hi Tadeo, an nasasakit kun nalusad na an propesor, kaupod han iya kataghimungto, an bag-o pa nga naab6t nga aton hinkit’an nga nahaunong han maraot nga iya kabasa han iginbuga ni Descartes. An bag-o pa uraura kausyuso ngan mapakianhon, ngan hi Tadeo nagpapahimulos han iya kaulug-ulugAn ngan kawaray pa hinbabaruan, ginsisinumatan hin dagko hin duro nga mga buwa. An bisan hino nga katsila nga nasaludo ha iya, bisan kun iruimpliyaduhay la o sinuhulan ha ahnasen, isinusumat nga puno hin usa nga opisina, markes, konde ug iba pa; kundi kun nalabay la, psh!, usa la nga bagos, opisyal la nga ikalimA, usa nga waray hangkag! Ngan han waray na maglalakat nga angay igbuhi han paghitingala han bag-o nga abot, say hinlangkagan an mag-ilat-igat nga mga kotse nga nagpapanlabay; hi Tadeo nasaludo hin maupay, nasinyas han iya kamot hin kanan hinasa nga sangkay, naluwas han “adyos” nga kahiaraan.
—Hino ito?
—Os!— binabaton hin bagA pasibayA; —an Gobernador Civil... an Segundo Cabo... hi Magistrado Tai... hi Senyorita Kuan... mga kasangkayan ko!
An bag-o nga abot nahatitingala ha iya, namamati ha iya, nahapapangangA, ngan nag-iikmat gud nga maadto hiya gihapon ha walA! Hi Tadeo sangkay hin mga mahistrado, mga gobemador!
Ngan nginangaranan ni Tadeo an ngatanan nga tawo nga naab6t ngan kun diri niya kilala, nagtutuha
