ngadto ha Carolinas, hito nga kampanya ha Mindanao nga makakaputo ha aton hin waray haros. Ngan amo liwat hiya an inmirog dida han mga kaladnganan ha pag- himo hito nga crucero, salit an akon siring: Ano in kali- butan hin usa nga alahero ha panhimo hin mga barko, magdiano hin kamanggaran?”
Ini ngatanan pinamumulong ni don Custodio hin tingog nga garhob kan Ben Zayb nga iya kasapit, lakip in mga kumpas han kamot, pakuro han sugbong, danay sumiplat han iba nga tambong pangaro hin pag-uyon ngan dayon han sinisiplatan pagpapakiwa han ira mga ulo. Hi P. Irene an kanonigo nahagagaroy hin paghiniyom nga diri sarabuton kay dapit iya tinatahuban han iya kamot nga naghihinapyod han iya irong.
—Pulong ko ha imo, Ben Zayb,—nagpadayon hi don Custodio hin pamulong, binugtong an butkon han manu- nurat. —Ngatanan an karat’an aada ha diri anay pagpa- kiana han mga tawo nga maiha na dinhi nag-uukoy. Usa nga proyekto nga igin-aasoy ha dagko nga mga pulong labi na kun lakip in dako nga presupuesto, oo! presupues- to hin dagko nga mga kantidad nga waray puwaki, naka- kapakalas ngan kinakarawat dayon... tungod hini!
Ginbabag-id ni don Custodio an tiyantiyan han iya tamuragko ngan han kanan talintuturo ug talimutnga.
—Baga asya ito, asya,—nakaisip hi Ben Zayb hin pagbaton tungod kay peryodista hiya katahapan nga sa- yod hiya han bisan ano nga hinabo.
—Kitaa la hini; waray pa hinanabihi ito nga Obras del Puerto nagpapasaka na ako hin usa nga proyekto nga akon tinuha, masayunay, himurulsan, kulang hin gasto ngan mahirimo, an tuyo asya an paghawan hiton mga mumbon ngan bugahod dida ha danaw, ngan waray ka- rawta kay waray hini!
Ngan binalik an pagbag-id han mga tudlo, pinma- kuro han mga sugbong, siniplatan an ngatanan daw ka- ruyag sidngon niya: “Kinmita na kamo hin sugad nga desgrasya”?
—Mahihimo ta hibaruan kun tipaunano ito nga pro- yekto? —Ngan...?— Hala daw! —nagpasunudsunod an mga pakiana ngan naghindaop ha iya andam hin pamati. An mga proyekto ni don Custodio sugad hin kabantugan han bulong han mga tarutambalan.
Hi don Custodio nag-iisisiring na nga diri hiya mag-
