Hadto ngahaw an orkesta nagtikang pagtuktok hin balsi.
—Nakita ka hito nga senyor? Hito nga magasa nga nagliliningi pamiling kun may nasaludo? Amo ito an isinusumat nga gobemador ha Pangasinan, maupay nga tawo nga nawawarayan gana pagkaon kun in usa nga indiyo diri ha iya sumaludo... Kun waray pagpalakat han bando de los saludos bangin namatay, ngan an paghibantog hito... Kairo man! May tulo pa la kaadlaw nga naabot tikang ha lalawigan ngan kitaa, kamagasaay na!... Oy! iini an dako nga pagkatawo, an uluhan, pukratd iton imo mata!
—Hino? Ito nga nagkukuriot?
—Oo, amo ito hi don Custodio, an liberal nga don Custodio, nagkukuriot kay may ginsasaulo nga proyekto nga kasuruk’an... Kun matutuman ngatanan iton mga panhunahuna nga nasulod hit6n iya ulo magkakaiba gud!... Ah! aadi tikanhi hi Makaraig, an imo katampo hin balay!
Kamatuuran, inmabot hi Makaraig, upod hira Pecson, Sandoval ngan Isagani. Hi Tadeo han pakakita ha ira dinmaop pagsaludo.
—Diri ka masulod?—ginpakianhan ni Makaraig.
—Waray kami pakapalit hin tiket...
—Igo la kay may add kami palko,—binmaton hi Makaraig; —hi Basilio diri makakakanhi... tana kamo.
Hi Tadeo waray na pagpinaagda. An bag-o nga abot, kay diri buot makamolestya, dara han kaawdanon han ngatanan nga indiyo nga taga lalawigan, waray gud kapirit hin pagsulod.
