kasing, magsisipagkamót na kitá ngan an pagtinda, an
pagbuhat, an pagtanóm, an mga kinaadman mamamangnuán
ha sakob han paghuruptan han kagawasan ngan han
mga tultol ug matadong nga mga balaod sugad didto
han mahimyang nga Inglaterra....
Hi Paulita nahiyom ha pagruhaduha ngan napiling han ulo.
-Mga inóp, mga inóp!-nanhayhay;-nakabatí ako nga damo in iyo mga kaaway... Hi Tia Torina nasiring nga iní nga tuna unob la hin kauripon.
-Itón imo dadá diri nasabót, ngan diri nabubuhi kun waray mga uripon, ngan kun waray iya gin-iininop para han tidaraon nga panahón, ngan kun waray kahimuan, iya ginhihimohimo ha iya hunahuna. Matuod ito nga may adá kami mga kaaway,nga mamamay-adá away kundi magdadaóg kamí. An kinadaán nga palakát say maghihimo nga panalipdanan han iya mga gubá nga kutá, kundi amon susulungon han pagsunód han awit ha katalwasan, tungód han silaw han iyo mga matá, han tunóg han iyo mga pakpak! Ayaw kalisang; an away mamingaw; basta iyo la kami pag-aghatón ha pag-arám, pukawon niyo an amon hagtaas ngan dungganan nga mga panhunahuna ngan iyo kami buligan han iyo hingpit nga pagsahó nga humataw an amon pagkalalaki ug pagkaunob.
Hi Paulita waray kawawad'i han iya hiyom nga tiriguhon nga bagá namumurubuot; nagkikita ngadto ha salóg ngan nagpipinuspos hin mahinay ha iya bayhon han iya abaniko.
-Ngan kun waray niyo makuha?-nagpakianá hin waráy la pakalibáng.
An pakiana nakaurit kan Isagani; itinutok an mga matá ha iya higugmaon, kinaptan hin mahinay ha kamót ngan magsiring:
—Pamati: kun waray namon makuha.... Inmukoy kay nag-aláng.
—Pamati, Paulita,-nagpadayon;-sayod ka han akon ha imo paghigugma ngan pagpauróg; sayod ka nga napuputós ako hitón imo siplat nga naabat ako nga may gutiay nga inggat han imo ha akon paghigugma, naiibá ako nga tawo ha akon pamati... kundi, kun waray namon makuha, pagpapamulaton ko in usá pa nga siplat mo ngan malipayon mapapatay ako tubangan duman-ag ha imo mga matá an paggasád ngan iaatubang mo han
