nga rebolber nga kargado, hi Quiroga nagdalipapanós
paglusad ngan didto ha iya baláy hinmigda, pinmasangil
nga maraot an iya lawas.
Ha mga ikaupát an takna ha kulóp diri kay mga yano la nga mga paskin an ginhihiruhimangraw. Iginhuhuringhuring in mga guruguro hin ginkakasarabutan han mga estudyentes ngan han mga luók ha San Mateo; gindidig-unán gud nga didto hin usa nga pansiteriya namagsumpa hin pagsulong ha siyudad; hinnabihan in mga barko nga alemán nga aadá ha paghigawás la han bahi, nga mabulig han palakát; nga in usa nga pundok hin mga batan'on nga, pinmasangil nga ugop hirá han mga katsila, napakadto ha Malakanyang pagtampo han mga sundalo han Heneral, kundi pinanmiriso kay ngayan mga armasan. An langit amo in nagbawi han kinabuhi ni Su Excelencia kay tinagan hin kabilinggan basí diri makaatubang hadto nga mga kabataan pa nga mga kriminal, kay hadto nga uras iginkakaaragtubáng han mga probinsyales, han Bise-Rektor. ngan kan P. Irene nga sinugo ni P. Salvi. May dako nga kamatuuran didá hiní nga mga guruguro, kun tutuuron ta hi P. Irene, nga han pagkakulóp napakadto paglaoy kan Kapitan Tiyago. Sugad han iya siring, may pirá katawo nga nagsagdon kan S. E. nga magpahimulos han panahón paghadlok ngan paghatag gihapon hin sadáng pagmaanan hini nga mga piru-pilibustiruhay.
-Mga pirá nga pagpusilón,- nagsiring in usa, -mga duhá kadosina nga reformistas nga panhalinon hin budhi, ha magkatutnga han gab-i, igo na nga makakapuypoy han mga hangin hini nga mga maglinarison!
-Ayáw, nagbatón in usa nga maupay in kasing- kasing; -igo na nga an mga tropa maglibot han kakalsadahan, an batalyon han kabalyeriya pananglit, mga hinulbot an sable ha kamót; igo na nga magsaog hin pirá nga kanyon.... igo na itó! An bungto hadlukon ngan magkakasulod itó dayon ha ira baláy.
-Ayáw hito, ayáw!-nasiring liwát in usá; -amo iní an panahón hin pagpuo han kaaway; diri igo na nga magkasulod ha ira mga baláy, kinahanglan nga papangawson, sugad hitón magraot nga alimwag, gamitan hin sinapismo. Kun diri, magpapadayon pagribók, kay paghahangitón hin mga sinugo nga mag-aram mag-ugsong... An akon kunahuna nga an mga tropa kinahanglan mag-
