hiya ngan nagpapadayon han lakat. Kundi han pakakita han kombento inmukoy ngan nagtikang hin pangurog.
—Panguli kita ngadto ha baryo, panguli kita!—nakimaluoy hiya ha iya upod.
Napirit hi Hermana Bali pagkapot ha iya dida ha butkon ngan dapit pagdanason. ginsisinagdunan ngan ginhihimangrawan hin mga basahan han mga prayles. Nga diri hiya babayaan, waray niya sadang kahadlukan; hi P. Camorra may iba nga damo nga butang nga aada ha iya ulo; hi Juli usa nga umanhon....
Kundi han pag-abot nira ngadto ha purtahan han kombento o balay han parrokya, hi Juli waray na gud maruyag pagsaka ngan ginmunit ha mga kuta.
—Ayaw, ayaw gad!—nakikimaluoy duro an kahadlok;
—Oh, ayaw.ayaw, kaluuyi gad ako!...
—Kundi kalurong mo....
Igintitikwang hin mahinay ni Hermana Bali; hi Juli nadiri, ginduduas, an kahimo nangungupos. An iya paniplat baga sugad hin nakada ha iya atubangan an kamatayon.
—Ta, kun amo man, panguli kita kun nadiri ka man! —nakasiring an maalagyamon nga babayi nga diri natuod nga may ada sadang pagtagman. Hi P. Camorra, bisan kun ano iton iya bantog, diri magpapasipara dida ha iya atubangan.
—Halinon an makaluluoy nga Basilio, ngan dinhi ha dalan pusilon, sidngon la nga nag-ikaralagiw!—nagsiring;
—mamatay na ngani amo na an pag-abot han mga pagbasol. An baga ha akon, waray ko ha iya utang nga kaburut’on. Diri na hiya ha akon mauba!
Amo na ini an nakapirit. Tungod hini nga parnuyboy, dara han kapungot, kawaray na la bisan ano, daw an nag-uunay, pinmiyong hi Juli han mga mata basi diri makakita han kahiladman nga iya aambakon ngan sumulod, hin wardy na pag-alang, han kombento. Usa nga pagharoy nga daw sugad hin paghingutas ginmawas dida han iya mga im-im. Hi Hermana Bali sinmunod, nagtitinugon....
Han pagkagab-i ginhihiruhimangraw hin gutiay nga tingog ngan lakip in dako nga paghilom han damo nga nanhinabd hadto nga kulop.
Usa nga batan’on nga babayi inmambak dida ha bin-
