Tungod han mga hinabo nga aton igin-asoy, kadam’an nga mga hoy nagtawag han ira mga anak nga lalaki ngan ginsiring nga ha gilayon bumaya han pamagaram ngan magpahalibway han lawas o mag-uma.
Han pag-abot han pangiksamen, kadam’an an nahulog ngan talagsa gud la an nakatima han kurso tungod han panhitampo han nahisangyaw nga katig-uban nga waray na ngani hinabihi. Hi Pecson, hi Tadeo ngan hi Juanito Pelaez sugad man nagkahuhulog; an siyahan kinmarawat han kabudo han iya tawa nga kanan lurong ngan nagsaad hin pagsulod kaopisyal hin bisan diin nga hukmanan; hi Tadeo tungod han dayon nga luang nga yana nahananabo na ngahaw, nagsaulog hin mapawa kay nagtap-ong han iya mga basahan; an iba waray man gihapon pagpakalahos ngan ha katapusan binmaya han pamag-aram, ha dako nga kalipay han ira mga iroy nga kanunay an pagdinumdom nga an ira anak kaduwas pamagbitayon kun manhibard han nanhihibutang dida hiton ira mga basahan. Hi Juanito Pelaez la an nag-antos hin makuri hadto nga kasugad, kay binmaya hin dayon han pagtuon kay ginmapil ngadto han almasen han iya amay ngan tikang hadto igin-api kasosyo han pagpakabuhi; an banyaga kinukurian didto ha tindahan kay waray kalipayan, waray karugyawan; kundi han kahagos hin pira kaadlaw an iya kasangkayan inmabat nga an iya kabuktot nabalik na liwat, ug ini amo an tigaman nga binmalik an iya kamalipayon. An salapian nga Makaraig, tungod hadto nga paghirumpag, naghirot hin pagpakita ngan, tungod kay nakakuha hin pasaporte, dara han gahom han salapi, sinmakay hin kadagmitan ngadto ha Europa: sinisiring nga hi S. E. an Kapitan Heneral, dara han iya pagtalinguha han kaupayan han mga pilipinos ngan, kay maminangnuon han ira himyang nga kamutangan, nagkukuri pagtugot pagpagikan han ngatanan nga diri anay makagpakita nga may ipinakakatakos paggasto ngan pag-ukoy hin may kahimyangan didto han mga kalarakan ha Europa. Dida han aton mga kilala, an ginmawas nga may gutiay nga kaupayan amo hira Isagani ngan hi Sandoval; an siyahan nakatahos dida
