hom nga naglalanay nga nakadamo na niya hibatii nga ginkakarukayakan,
nga ginpatalistis ha kasisidman hin mga
tawo nga magraot an buot kay an tuyo pakiaway hin
dayág han katilingban. Yaná iini ha iya atubangan, maliaw
ngan madaragdarag, nagtitinuro hin unob nga hinayhinay
ngadto ha sakob han hamili nga granada. An pagkitá,
niya kan Simoun sugadsugad han henyo, dida han
Las Mil y una Noches, nga nautwal tikang ha salad han
dagat, nagtitikadako, nasugad hin higante, nasukdo ha
langit, pinabubutd niya an balay ngan nababay-og an
bug-os nga siyudad hin usa la nga paggios han iya
bungkog. An granada nasugad kadako hin usa nga
gidadakui nga bola ngan an kabaraan, daw usa nga
impimuhanon nga ngisi nga ginkakagawasan hin mga
laga ug mga baga. Yana pa la, hi Basilio hinrarag’an
han kahadlok ngan nawawad’an hin malinaw nga panhunahuna.
Hadto ngahaw hi Simoun napapanhuót hin mga tornilyo hin usa nga urusahon ngan malipong nga aparato, binubutangan hin tubo nga salaming an bomba, ngan tinatakluban hin usa nga makaruruyag nga pantalya. Katapos hini pumaantaw pag-inaw-inaw han iya buhat, nahilig an ulo ha too, ha wala na man, basi ha maupay nga pagkita han dagway nga makaruruyag.
Ngan han pakakita nga hi Basilio nagsisiniplaton ha iya hin mapinakianahon nga mga mata ngan maruhaduhaon liwat, nagsiring:
—Yana nga gab-i ngan ini nga kingke bibitayon didto ha butngahin usa nga pangaraunan nga kiosko nga akon iginpatuyo pagpahimo. Ini nga kingke makakahatag hin dako nga kapawa kay bisan ini la makakasuga na han bug-os nga ruwang; kundi, kahagos hin karuhaan kaminutos, an silaw magsisirom, ngan dida hini, kun ira paulputon an pabilo, mabuto in usa nga kapsula hin fulminato de mercurio, an granada mabunggas ngan an bug-os nga komedcr magbubuto kay ha alkuba sugad man ha sirong pinanmutangan ko hin mga sinako nga pulbura basi waray gud makalikay....
Inmukoy nadaliay; hi Simoun nagkikinita han iya aparato ngan hi Basilio waray giginhawa.
—Kun sugad waráy Irinahanglan nga bumulig ako,— nagmugo an batan’on.
—Diri; may ada mo buruhaton nga lain,— nagba-
