táng, an gidadamui nga manggad ni Simoun, an malain
nga baho nga namamarág didto ha iya baláy, bagá baho
hin asupre. Hi Binday, usa liwát han mga daraga nga
Orenda, buutan ngan makaruruyag nga bata, nahanunum-
dom nga nakakitá hiyá hin magtagom nga laga, usa kakulop,
didto ha baláy ni Simoun han iya pagkadto upód
hi iya mamá, pagpalít hin mga bató.
Hi Isagani nagpipinamati hin tiid, waray yakanyakan
-Salit kagab-i...!-namulong hi Momoy.
-Kagab-i?-sinubád ni Sensia nga karuyag masayod ngan nangangabugho.
Hi Momoy waray tuturon, kundi han pakakitá han maraot nga nawóng nawad'an han kahadlok.
-Kagab-i, hamtang kami nangangaon, na may buruka; an sugá naparong didá han komedor nga tinatangkaán han Henerál. Nasiríng nga tinikas an kingké nga regalo ni Simoun hin usa nga waray hikilal'i.
-Usa nga makawat? Usá han mga tagá Mano Negra?
Hi Isagani binmuhát ngan maglakatlakat.
-Ta, hindakpan?
_Inmambak ngadto ha salóg; waray may nakakitá ha iya. May nasiring nga usa kunó nga katsila; an ibá nasiring insik; an ibá, indiyo.
Sinisiring nga tungód hadto nga kingke magdudukót an bug-os nga baláy,-nagsiring hi Chicohy,an pulburá...
Hi Momoy ipinangurog liwát, kundi han pag-abat nga hi Sensia sinmabót han iya kahadlok, naghingayad.
Kanugon na!-nagsiring, nangahás;-karaot han binuhat han kawatán! Namamatay unta ngatanán ...
Si Sensia sinmiplat ha iya, nalilisang; an kababayin'an
namagpangudós; hi Kapitán Toringgoy nga nahahadlok han politika,
nag-ilulusot. Hi Momoy dinmaop kan Isagani.
-Maraot gad gihapon an pagparabuot han diri kalugaringon, binmatón hi Isagani hin tiriguhon nga hiyom;-kun ito nga makawat maaram kun anó an kahulugán hadto, ngan nakapanhunahuna, kaduwás diri hadto naglabót!
Ngan nagpadayon katima hin nadaliay nga paghunong:
