katima sumaka ha langit, sugad kan Kapitana Ines nga sumat han kapadian, ngan nagpakiana han bali. Kundi hi Simoun naaro hin tutulo kayukot kapisos. An buutan nga ginang nangudos. Susmaryosep! Binuksan ni Simoun an ikatuld nga surudlan.
Puno hin mga urasan, mga pitaka, puspuruhan ngan mga relikaryo nga binatuan hin mga brilyante nean hin labi kagamayay nga kulod nga esmalte nga may mga tawutawo nga magpakaruruyag an kahimo.
An ikaupat may sulod nga puro la bato, ngan han kabuksi binati dayon dida ha ruwang an hurubhurob hin mga paghitingala; hi Sinang tinmakla liwat ngan liniwatan pagkulitog ni iya mama bisan kun hiya ngahaw nagluwas man hin “Sus-Mariya!” ha paghitingala.
Waray pa bisan hino ngada hadto may kinmita hin sugad kadamo nga manggad. Didto hadto nga surud lan nga hinanigan hin tersiyopelo nga tagumon, nga kinahonkahon, didto nagiginkamatuuran an mga inop han Las Mil y Una Noches, an mga inop nga sidlanganon nga dii'i matukib. Mga brilyante nga dagko nga may tagsugad hin garbansos, namamagpirukpirok hin mga inggat nga magpakabibihag sugad hin namamaglalaga o nagkakatutunaw dida han kinurugkurog han mga sulhog han magkalainlain nga tina nga nagbabalangaw; mga esmeralda ha Peru nga magkaibaiba an dagway ngan katiksap, mga rubi ha India daw magpula nga turo hin dugo, mga sapiro ha Ceylon, magbughaw ngan magbusag, mga turkesa ha Persia, mga mutya nga ladyaw an silaw, nga mga limbaon, may daw baga in timga ngan mag-itom. An nagpakakita ha usa kagab-i hin mga kuwitis nga han pagbubuto didto ha kasisidman han langit nagiginyukot nga mga gudti nga suga nga magkalainlain nga tina, nga magranggat kaupay kay haros nakakapadaparap han dayon nga mga bituon, makakahimo hin pagtarutanding han ira hinkikit’an didto hadto nga surudlan.
Hi Simoun, basi dumugang an panhipausa han namamagtambong, gin-iinukay an mga bato han iya mga bubuwahon ngan tais nga mga tudlo, ngan nalilipay han sinalamingon nga tunog, han maranggat nga pagkabarubasya, daw tubig nga gintitina han balangaw. An mga sulhog han kadam’an nga mangilat-igat nga bato, an panhunahuna han kagimamahali hadto ngatanan nakakaburarat han mga paniplat. Hi Ginhaupan Tales,
