Hi Su Excelencia an Kapitan Heneral ngan Gobemador han Kapurupud’an han Filipinas napakadto panganop ha Bosoboso. Kundi tungod kay kinahanglan updan hin usa nga banda hin musika, kay an sugad kahataas nga pagkatawo diri nahihimo lupigan han mga ladawan nga kahoy nga iginpoprosesyon, ngan tungod kay an diyosnon nga arte ni Santa Cecilia diri pa sangyaw didto han mga bugsok ngan mga baboy nga ihalas ha Bosoboso, hi S. E., lakip an banda hin musika ngan han kaupdanan nga mga prayle, mga militar ngan mga empleados, waray gud pakadakop bisan mausa nga yatot, bisan usa la nga tamsi.
An mga dagko nga punuan ha mga lalawigan daan na naghuhulat hin mga panhukas o panliwan hin katungdanan: an magpakaluluoy nga mga gobemadorsilyo ngan mga ginhaupan nagkalilisang ngan waray panhingaturog kay. nagkahahadlok nga, bangin dukluyon an diyosnon nga parapanganop, isaliwan hira han mga hayop nga waray mapadakop, sugad han nahinabo hin usa nga maghihirot nga may hanabo han lawas hadto nga mga polistas tungod han kawaray kabayo nga maanad nga maghihirot nga may hanabo han lawas hadto nga pagkatawo. Waray kakulang in usa nga maraot nga higawhigaw nga hi S. E. kuno may tuyo hin pagbuhat han angay buhaton kay dida hini nga kasugad nakita hiya hin usa nga tinikangan hin usa nga rebolusyon nga angay utdon didto ha puno, kay in usa nga panganop nga waray dakop nakakaraot han ngaran han katsila ug iba pa, ngan daan na ginkikita in usa nga waray palad nga pagsusul-utan pagkabugsok, kundi nahanabo nga hi S. E., ha usa nga mapinairon nga tulos nga hi Ben Zayb waray hatutultol kun ano an igngangaran, asay nakapapas han ngatanan nga mga kabaraka, kay namulong nga nakakasakit ha iya an pagpahaunong, han kamanampan ha kagurangan basi la matuman an iya mga karuyag.
Ha kamatuuran hi S. E. nalilipay ngan ikinakukulang didto hadto nga mga kasugad inter se, kay ano, daw la in nahinabo kun pananglit waray hiya pakaigd hin usa nga pieza, pananglit usa nga bugsok nga diri sayod han mga kinahanglanon ha Pamunuan? Mahapapaano
