sugat ha ira. Kinmuwarta hin tamban, nanguha didto han iya gutiay nga sakob han labi kamag-upay nga kamatis, kay maaram hiya nga asya gud an ayon ni Crispin; nangaro didto han iya kaamyaw, kan Tasyo an pilosopo, nga nahaaantaw la hin kanan tunga hin kilometro, hin tapa nga baboy nga ihalas(9) ngan hin usa nga paa hin gamaw, an
pagkaon nga ayon ni Basilio. Ngan puno hin paglaom nagtuon pa han mabusag nga bugas(10) nga binugas dida han iya la ngahaw binarian. Baga gad man gud adto in tihapunon hin kapadian.
Kundi iginkawaray palad nga hadto ngahaw sinmaka an iya bana ngan kinaon an kanon, an tapa nga baboy nga ihalas, an paa hin gamaw, lima nga tamban ngan han mga kamatis. Hi Sisa waray la pagtingol, bisan kun daw sugad hin say hiya in ginkikinaon. Han kabusog na han tawo amo na in paghinumdom pagpakiana han iya mga anak; amo na man in paghipahiyom ni Sisa nga tungod han dako nga ka lipay naghunahuna na la hin diri panihapon hadto nga gab-i kay an salin diri na sadang hin tulo nga kumaraon. An amay nagpakiana mahatungod han iya mga anak; ha kan Sisa usa ini nga kahimayaan nga dako pa han pagkaon.
Kundi an bana kataudtaod kumapot han manok ngan mag-ilulusad.
—Diri mo na huhulaton? — nagpakiana hi Sisa, dapit nahahadlok; —hi agurang Tasyo nagsiring nga maiiruiha adi pagkaabot; hi Crispin maaram na magbasa ngan . . . tingali hi Basilio makadara na han suhol ha iya.
Ini nga urhi nga sumat nakapaukoy han bana nga inmuruon nadaliay, kundi say gihapon nagdaog an iya minamaupay nga tamyaw.
—Kun asya ito, ihimos ako mapisos ! —nagsiring ngan lumusad.
Hi Sisa nagtinangis hin mapait nga luha, kundi nahanumdom hiya han iya mga anak, salit pinahid an iya mga luha. Nagtuon liwat ngan iginsugba an tutulo nga tamban nga bulad nga nahasasalin, makakagtig-usa pa may tunga an kabataan.
—Pinan-gugutom gud adi— an iya hunahuna; —harayo ngani nga lalakton ngan kun gutom an tawo diri nagkakasadangan.(11)
Tuyo nga diri malipat han ngatanan nga karasikas, hikikit’an ta hi Sisa nga nagpapamati han talagudti nga badukbadok: iya ginbabanabana: matubadok ngan dayag
