— Mangitngit inin gab-i ngan nagkakawawara inin kabataan! nagyiyinakan an makapapaid nga babayi.
Kundi han pakakilala han alperes nga naglabot ha iya, an babayi kinalasan ngan dinmalagan, nawara dida han ka- kahuyan.
— Hino ito? pinmakiana an alperes.
— Usa nga naghihingaluoy, nga natuyaw dara han mga kakulba us mga kasakit! binmaton hi D. Filipo; - may upat na kaadlaw yana nga nasusugad.
— Amo ito an sinisiring nga hi Sisa? - Ibarra nga inalpan hin pangalinsakob.
— Gindakop ito han imo mga sundalo, nagpakiana hi nagpadayon an tenyente mayor, may dara nga kapait an tingog: gindaradara ha sakob han bug-os nga bungto tungod hin ambot kun ano nga nabuhat han iya mga anak ... waray la ito hisayuri.
— Kay ano? - nagpakiana an alperes say inaatubang an padi; ― di ba ito asya an iroy han imo duduha nga tanod?
An padi tinmangdo.
— Nga nagkawawara ngan waray na panhiagii nga- da yana sinumpayan han tenyente mayor, may dara nga kasina, say inaatubang an gobernadorsilyo nga tinmamod la.
— Bilnga ito nga babayi!- nagsugo hi Crisostomo han mga surungon. - Nagsaad ako hin pagbulig pamiling kun hain na an iya mga anak...
— Nasiring kamo nga nagkawawara? - nanginsayod an alperes. - Nagkawawara an imo mga tanod, Padre Cura?
Tinmay-ong ini han iya irinmon ngan tumango han
— Karaot daw hito, Padre! - nagmugo an alperes, na- hakakatawa hin badyangas, nalilipay han iya pakabulos; - nawad'an hi V. R. hin pira kapisos ug ginsangpit ako ma- agahon pa, an akon sarahinto pinalakat ko kay basi pamil- ngon; nawadan hin duha nga tanod ngan waray hi V. R. pagluya ngada yana, ngan ikaw, Go. nga Kapitan....ma- tuod man gud man liwat ikaw....
Waray na pagtapos kundi naghinarahara ngan magsuk- wat han iya kutsara han mapula nga unod han kapayas nga ihalas.
An padi hintigdaan, naglabad an ulo, binmaton:
