ngamuyo nga kabatasanan abaton dida hin sugad kamarahaIon nga mga adlaw nga gintutuman han su gad ha aton nga pinalad matawo ha lindong han marahalon ug waray dum-it nga bandera han Espanya.
“Katapos han prosesyon tikangan an misa nga dinuyugan han orkesta ug han mga artistas. Katapos han Evangeli0 sumaka ha walihan an M. R. P. Fr. Manuel Martin, padi nga agustino nga dumuruaw tikang ha lalawigan han Batangas, nga nakapahungat hin pamati han iya mga pulong han bug-os nga manmarati, labi na han kakatsilaan, tungod han iya katikang nga kinatsila, nga pinamulong ha kadasig, upod in mga pulong nga nanhihiangay la pamation ug nakakapuno han mga kasingkasing hin kaaghop ug kasindak. Asya ini an pulong nga nahiaangay han aton binabati kun say hinnanabihan an Virgen ug an aton hinigugma nga Espanya, labi na kun nahasasakot dida hiton wali, kay nahaaangay man, an mga panhunahuna hin usa nga hataas in dungog ha Tuluuhan nga amo hi Go. Monescillo,(8) ngan asya man, waray ruhaduha, an kanan han ngatanan nga kakatsilaan.
“Katapos han misa manaka kami ha kombento kaupod han mga punuan han bungto ug iba pa nga mga taragdon nga pagkatawo, ngan didto kami pagtamuha hin pakiangay ug pagtamo nga kinaiya han M. R. P. Fr. Salvi nga nanagtawo ha amon hin tabako ug pabubusog nga painit(9) nga igin-andam han Hermano Mayor ha sirong han kombento han ngatanan nga magkasuruk’an pagbulong han ira mahapdos nga ginhawa.
“Han bug-os nga adlaw waray gud nakulang nga magmarugyaw an kaadlawan, ug basi diri umiban an kalipay nga nababatasan han kakatsilaan, nga dida hini nga mga bahin diri nanhihikailob pagpakita nga ha mga karantahon ug mga sarayawon ug iba pa nga mga talagudti nga kalipayan ug kaliawan, nga may ada nira mahinlo ug bug-os nga ka singkasing, nga an mga kasakit diri ha ira makakasupil, ug igo la nga matirok bisan diin in tulo nga katsila tuang na nga didto umiwas an kasamdong ug mga kasakit. Salit ginhalaran hi Terpsicore(I0) ha kadam’an nga balay, kundi labi na didto han kanan matalino ngan bahandianon nga pilipinhon, ngain kami abiabiha hin paniudto. Diri na angay asuyon nga an pangaon, nga hura ug tinamo kaupay, asya an magigin-ikaduha han mga pagtamo ha Kana o kan Ca-
