225
tuod an didaanon nga padi maaram, kundi kay say man nagmimisa, — an iba nga kapadian nagkauruyon nga an tingog ni P. Damaso asya an ginmaupayi, labot pa, kanugon kun diri pamulungon an sugad kahingasoy nga wali sama han iya ginsurat ngan gintanog. Salit igin-andam hiya hin mga limonada han iya batid nga ginang nga paratipig han mga yawi, ngan hin ungguwento, ginputos hiya hin magdakmol nga taplak, ginhilot ug iba pa. Hi P. Damaso inminom hin pira nga hilaw nga bunay nga kinirikisi ha alaksiw, ngan han bug-os nga aga waray pagyakan, waray pamahaw; an tuman la nga inminom hin usa kabaso nga gatas, usa katasa nga sikulate ngan hin may napulo kagduha nga supas, nagpakatakos hin diri pagkaon (han piniritos nga manok ngan han iya kabatasanan nga katunga hin usa kamolde nga keso ha La Laguna ikinaaga, kay, siring pa han iya agaron nga ginang, an manok ngan han keso may dara nga asin ngan tambok nga say nakakaaghat han ubo.
—Ngatanan ito tungod han langit ngan tungod han pagkabig ha aton ha pagtoo sa Dios! — nasiring an mga Hermanas han V. 0. T., puno hin parthingusbo han pagkasayod hini nga mga pag-ilob.
—Gaba ito han Virgen de la Paz! — nangurutob an mga Hermanas han Smo. Rosario nga nagkakangangalas ha iya tungod han iya paggapil ngadto han luyo nga pundok.
Ha mga ikawalo may tunga an takna ginmuwa an prosesyon ngadto han gin-atpan hin Iona. Masugadsugad gihapon han kakulop, uusa la nga butang an ginkakalainan: an katig-uban han V. O. T. Mga kalagasan, babayi, lalaki, ngan hin pipira nga batan’on nga kababayin’an nga nalumagas na, nagpapakasukrob hin sapot nga ginggon nga bahol, an kanan mga kablas, kay an kanan mga salapian, seda, kun diri man, an sinisiring nga ginggon pransiskano tungod kay amo an kaurog ginagamit han mga Rdos. Frayles Franciscanos. Ngatanan ito nga mga birilhon nga abito iginpadara tikang ha kombento ha Manila, ngan ilinilimos ito han mga bungtuhanon balyo hin salapi, nga prix fixe, kun daw gamiton ta an yakan didto hin usa nga tindahan. Ini nga tunay nga bayad nadugang la, diri nag-iiban. Masugadsugad hini nga mga isusukrob may iginbabaligya man dida la ngahaw ha kombento ha bungto ha S. Diego ngan hin didto man ha kombento han mga monghas ha Sta. Clara,(8) nga may lain la nga ikinalalain, kay labot han pakaha-
