227
Dios ngan nangangadi hin mga Mitoo ngan mga Maghimaya-ka-Hadi.
Ha tungod hin usa nga balay nga sinablayan an mga tangbuanan hin nabulang ha mata nga mga biray, nga pinananangbuan han Alcalde, ni Kapitan Tiyago, Maria Clara, Ibarra, kakatsilaan ug kadaragan’an inmukoy an karro; iginkaigo, hi P. salvi paghangad, kundi waray pakita magutiay man la nga pakigkilala kun pakigkatahod man; dapit inmunat la han iya liog, pinmatadong han iya lawas, salit an iya kapa nga halapad dapit inmangay pagkit’on ha iya sugbong.
Didto ha tuna, ha tungod han tangbuanan, may uusa nga batan’on nga babayi nga mahusay an pamayhon, maupay hin duro an pamanapton, nakugos hin usa nga bata nga gutiay pa. Tingali sisiwa kun maglilibang man, kay an bata mabusag ngan bulaw an buhok, ba man hiya kayumanggi ngan an iya buhok maitom pa han asabatse.
An bata han pakakita han padi binmayaw han iya gudtiayay nga mga kamot, tinmawa hiton katawa nga binatan’on nga diri nakakaurit ngan waray la hinpapatungdan, ngan katapos hin usa kadali magluwas hin “pa. . . pa!. . .papa! papa!”
An babayi nga batan’on nalisang, itinakpo hin dalidali an iya kamot dida ha baba han bata ngan pumaantaw, nahakaawod. An bata dagos pagtinuok.
An magraot in hunahuna naggipakirukinhat, an kakatsilaan nga nagpakakita hadto nga haliputay nga hinabo nanhipahiyom. An kinaiya nga pagduruasa kan P. Salvi nabalhin, nagpamulapula sugad hin takuranga.
Kundi an mga tawo waray katadungan hadto nga panhunahuna: an padi diri ngani nakilala hadto nga babayi nga diri didaanon.
—————————
