229
kalag ha impyerno, tungod hiton wali nananaka ha langit!
Kun inmaro hin usa kayukot amon binabaydan ngan sadang pa naton pagpasalamatan. . . .
—Bangin gad la may katadungan ka! binmaton dida hini an pilosopo; —an baga ha akon, makalilipay ko pagkit'on an wali kay han komedya.
—Bisan pa an komedya, an baga ha akon, diri!— sinminggaak an usa, nangingisog na.
—Matuod ito kay waray mo sinasabutan dida hito ngaduha!
Ngan an waray pagdiyos nga lagas nagpadayon han iya lakat, waray na pag-asa han mga panampalas ug mga magraot nga igintagna ha iya han maestro.
Hamtang ginhihinulat an Alcalde, an mga tawo iginpapamamalhas ngan namamaghinuyam: ipinamamagpasipas pagpahangin in mga paypay, kalo ngan panyo: naggu- gugliat ngan namamagtuok an kabataan nga asya in nakakahatag hin buruhaton han mga tanod papan-gawas dida ha singbahan kay maaringasa. Asya ini an nakakahatag hin pamurubuot han matalino ngan garangyaton nga puno han mga kaapi han Smo. Rosario:
—"Pabay'i nga dumaop ha akon an kabataan", nasiring gad man gud an aton Ginoo Hesukristo, kundi kinahanglan sabuton nga kabataan nga diri magtuok!
Usa nga lagas nga babayi nga asya in usa han namag- sul-ot han sapot nga ginggon, nga amo hi Hermana Pute, nagmugo han iya apo nga babayihay nga may uunom pa la katuig an idad, nga nakada nahatutupad ha iya pagluhod:
—Waray batasan, pamati, magwawali hin sugad kun Viernes Santo!
Ngan kulitugon an bata nga dinmalidali pagluhod ngan dagos pagbingyay, nagmusdot ngan nagkuriot.
May pipira katawo nga nan-gagaang, namamaghingaturog ha tungod han mga kumpisalan. May uusa nga la- gas nga lalaki nga naghihituyangko pinakasiring hi Hermana Puti nga nagpipinangadi nga nag-iinihap han mga lisuliso han iya kuwintas, nga asya adto an mauruupay nga pagtuman han mga sugo han Langit, salit iya man ha hinay-hinay ginsubad.
Hi Ibarra nakadto hin usa nga piliw; hi Maria Clara naluhod ha harani han altar mayor, didto hin usa nga luhuran nga iginsugo han padi ha mga tanod nga papangiwasan
