238
may pagkalawasnon; mapasipad'on nga waray pag-alang; masinugtanon nga may pag-alagad; aluhanon
nga may pagkaalo; maminangnuon han iya mga gawi
nga diri hakog; mapiskay nga may pagkatakos; makiaangayon nga may pagkatahod; maikmat nga waray pagkalipat; luluuyon nga may kapaid; mahiniruton nga may
alo mabinuluson nga may kalalaki; kablas ha pagkabuhatan nga may pag-uyon; buyagyag nga may paghipos; makugi nga may pagpasibaya; mahinipuson nga mahinatagon;
timawa nga may pagsabot; mangiriba nga makahirimo; mapasibayaon nga may tuyo paghibaro: iginlarang ka sa Dios
basi bumati hun kamatahom han paghigugma nga waray
sala! Buligi ako pagkanta han imo pagkadako ug han imo
ngaran nga hataas pa han mga bituon ug mahayag pa han
mao nga adlaw nga naliong ha imo mga tiil! Buligi ako niyo,
pangaro kamo sa Dios han kaangayan nga kasirak ha pangadi han "Maghimaya ka Maria"!
Ngatanan nagkaluhod ngan gilayon binati in hurubhurob, daw an hagurong hin usa kayukot nga lagong. An Alcalde nagtalinguha pagpilo hin usa nga tuhod, naghihimakuri, napiling, maraot an buot; an alperes iginduduas ngan aringit.
—Pakasulay man hini nga padi!-nagmugo in usa han duduha nga batan'on nga tikang ha Manila.
—Saba!-sinmaway an usa, hibabatian ka hiton iya babayi....
Dida hini, hi P. Damaso nga angay unta mangadi han "Maghimaya ka Maria", nakiaway lugod han iya espiritu santo tungod kay naglaktaw hin tulo nga pundok nga asya an gimaupayi, kinmaon hin duha nga merengge ngan uminom hin usa kabaso nga Malaga, nagdidig-on gud nga ini say lugod makakabulig ha iya hin maupay pa han ngatanan nga espiritu santo, makahoy, madagway hin sarapati, malawasnon nga dagway hin usa nga himalang-anon nga prayle. Matikang na an wali nga tinag-alog.
Dinukol liwat han makidiyos nga ginang an iya apo nga nahamangno, maraot an buot, ngan pinmakiana:
—Ano, panuok na?
—Diri pa, kundi ayaw katurog, tampalasan! - binma- ton an maupay nga apoy.
Hagliputay la ngan naghihipatalagsa nga asoy an amon natipig han ikaduha nga bahin han wali nga amo an tinag-
