napapagbitay hin mga karaha ug daba, mga uruyagon nga
magpakalilipay.
An kadam'an nga tawo nga magpakaruruyag in tina han mga pamanapton ha paglikay han sirak han adlaw nag- tatarambak ha mga lindong han kakahuyan kun ha sirong man han kinaraykayan nga suy-ab. An kabataan namamag- pananaka han mga sanga, han kabatuan, pag-imakakiki- taan, tungod han kahagbubuay pa nira; nagkakaaawa han kabataan ha liburan nga maghinis ngan mag-upay an dug- nit ngan nanlilingkod didto han igin-andam ha ira nga mga lingkuran. An mga kag-anak nanhihikalipay: hira, nga mga kablas nga umanhon, nagpapakakita han ira mga anak nga nangangaon dida han busag nga mantel, haros sugad han padi ngan han Alcalde. Bisan adto nga kasugad igkakasu- matsumat na tikang ha amay ngadto ha mga anak.
Waray kaiha bation an harayo nga tunog han musika, nga gin-uunhan hin kadam'an nga magkadilain nga panui- gon han tawo, magkalainlain an tina han mga panapton. An madarag nga tawo kinmiot ngan sinmiplat nakausa han iya balayan. Usa nga umanhon nga magkurulaw nagsi- sinunod hin kita han iya kiwa: diri iba kundi hi Elias nga napakadto pagtambong; waray kikilal'a tungod han iya pamanapton ngan han iya takukong. Iya pinili an maupay nga tukdawan, nga amo an dapit ha may likisan ha tangpi han kutkot.
Upod han banda an Alcalde, an mga taga tribunal, an mga prayle, labot kan P. Damaso nga waray umupod, ngan han kakatsilaan nga mga taga gobyerno. Hi Ibarra igin- hihimangraw han Alcalde nga nakisangkay ha iya hin mau- pay tikang la niya dayawon an iya mga medalya ngan banda. An pagkabantog ha pagkadako amo an kasurusnan ni S. E. Hi Kapitan Tiyago, an alperes ug an iba nga mga salapianon asya an upod han bulawanon nga hat-on han kadaragan'an nga nanmamayong hin seda. Hi P. Salvi asya la gihapon, nabuot ngan waray tingultingol.
—Isipa ako gihapon nga mabulig ha imo ha ngatanan nga maupay nga buhat, —nasiring an Alcalde kan Ibarra; —igtatalinguha ko ikaw han ngatanan nga imo kinahangla- non, kun diri ako say, panunuyuon ko nga an iba makabulig ha imo.
Dida han nagtitiharani hira ngadto, inaabat han ba- tan'on an dinagukdok han iya dughan. Hinnumamok hiya
