binubunyugan han ira magturutdo; sunod ha ira an kabataan nga magbiritbit han mga parol nga papel nga mag-
kalainlain an kahimo sugad man an mga tina, nga pinanukod hin mga kawayan, may haglaba, may haglipot, sugad
han karuyag gamiton han tagsa nga bata, kay ini nga mga
lawag gin-aako han kabataan ha mga baryo. Maglipay on
hira hin pagtuman hini nga kasugtanan nga ipinapapagsu got
han tigurang nga pinakapuno ha baryo; an tagsa ha ira nag-
tutuha han iya kalugaringon nga parol, ginrarayandayan an
han sugad han iya mahunahunaan nga rayandayan ug maabot han iya kuwarta, hin mga bandera ug lunlon la ano
nga sabong, ngan dagos susug'i hin utod nga kandila, kun
may ada niya urupod o sangkay man nga tanod nga sadang
maaruan, kun waray, napalit hin pula nga gudti nga kandila nga garamiton hiton kainsikan dida hiton ira mga halaran nga ladawan.
Dida ha butnga namamagngadto-nganhi in mga agwasil, mga tenyente, pagmangno nga diri maguba an rumbay ug diri magtambak an tawo, may mga dara nira nga pudlos nga danay nira gamiton, hin makusog, o mahinay, sugad, han kaangayan, ha pagbulig nga magmahimaya ug magmahusay an prosesyon basi ha kaupayan han kalag ug magindungog han tawo nga pagsaurog han tuluuhan.
Dungan hini nga waray bayad nga pamuspos han mga agwasil, basi managsantos an mga tawo, may iba man nga dapit paglipay han nagkapupuspusan, nanhahatag hin mga kandila, waray man gihapon bayad.
—Senyor Alcalde,—nagpakiana hi Ibarra hin hamubo nga tingog, ito nga panlamba, tungod ito hin sala, o tu- ngod la kay karuyag manlamba?
—Matuod an imo, Sr. Ibarra! —sinmagbang an Capitan General nga nakabati han pakiana; —ini nga... hinayop nga kiritaon nakakapatingala han ngatanan nga pag-aabot pa la tikang ha lain nga mga tuna. Angay ini igdiri.
Hin waray hisabuti kun ano an hinungdan, an siyahan nga santo nga inmagi amo hi San Juan Bautista. Kun pag- kit'on makakasiring kita nga diri maupay an bantog hini nga patod han Aton Ginoo; matuod kanan daraga an iya mga tiil ngan bitiis ngan an iya nawong kanan ermitanyo, kundi dumog nga andas nga kahoy an iya hintutungtungan ngan waray hiya lalawagi, kay ba man an kabataan nga nanhihibunyog nga may mga parol, namamagsurumbagay pa
