Terceras tungod hin ambot kun ano nga saad, kun sakit
man: kundi gindadanas hiya, ngan diri la harumamay. Hi
San Diego inmukoy ha tungod han luwahan ngan naghu
lat nga paghatagan hin katalahuran.
Kundi hulata ta an karro han Virgen nga gin-uun-han hin mga tawo nga kanan mga manunulay an pamanapton, nga ginkakahahadlukan han kabataan, salit damo in nadudungog nga mga panangis ug gugliat han kagudtiayan nga waray panagtagad hin bisan ano. Kundi, ha butnga hadto nga masirom nga tambak hin mga sapot, mga taong, mga takgong ug mga tabulong, sakot han aringasa han makauruyam nga mga pangadi nga nahinagurong, hikikit'an, daw mabusag nga hasmin, daw mga biyuos nga marol) nga nanhihisakot hin mga dunot nga dugnit, in nanapulo kagduha nga babayihay nga mga busag in sul-ot, pinudngan hin mga bukad an ira mga alunggigising, pinakurong an ira mga buhok, an ira mga paniplat magsinaw sugad han ira mga kuwintas; masugadsugad hira han mga magdadara han kasilaw nga nagkakabi-bilanggo didto ha mga kasisidman. Nanngangapot hira ha katapusan hin duduha nga magtagom nga liston nga haglapad nga ipinanhihigot didto han karro han Virgen, daw sugad hira han mga sarapati nga nagguguyod han karro han Primavera.
Ngatanan na an mga ladawan andam hin pamati, na- mamaghirigrani, basi diri magkalilipat han luwa; ngatanan an mga mata ngadto panhihisiplat han nawawalis nga hiligutay nga biray waray kaiha usa nga "Aaah!" hin panhitingala say naluwas han ngatanan nga baba.
Ngan kaangayan man liwat, kay ginmuwa didto in usa nga lalakihay nga may pako, may sapin ha tiil nga ipangarabayo, may banda, may bagkos ha hawak ngan may kalo nga sinabngan hin barahibo.
—An Senyor Alcalde Mayor! —ginmuliat in usa, kundi adto nga katingalahan nga ginlarang sa Dios nagti- kang hin pagluwa hin usa nga siday nga sama ha iya ngan waray hiya kasina nga igintanding hiya han Alcalde Mayor.
Ano pa in kinahanglan naton pagsuraton dinhi han linatin, tinag-alog ngan kinatsila nga siniday, nga ginyakan han bata nga napirit han gobernadorsilyo? An mga buma- rasa nagpakatilaw na han wali kanina han aga ni P. Damaso, ngan diri namon karuyag maghugay ha ira hin damo pa
