bibihagan; hi D. Filipo nakikighinimangraw han tigurang nga Tasyo:
— Mag-aano ako? — nasiring; — diri ako tinutugutan han Alkalde nga umiwas, nasiring: “Diri ka nakakaakos hiton imo turumanon?”
— Ngan ano man in imo iginbaton?
— “Senyor Alkalde”, an baton ko; “an gahom hin usa nga tenyente mayor, magdiano hin kagutiay, sama manta gihapon han gahom han bisan ano nga katungdanan: kay gahom nga gumikan ha ira labaw nga puno. Bisan an hadi dida han bungto kakarawat han iya gahom, ngan an bungto didto kakarawat han Dios. Asya ini man ngani an nawawaray ha akon, Senyor Alkalde!”, kundi an Alkalde waray na ha akon pamati ngan nagsiring na la nga maghihimangraw na la kami kun maliwas.
— Kun asya ito, buligan ka na la unta sa Dios !—nagsiring an tigurang ngan mag-ilalakat.
— Diri ka na la magkikita?
— Salamat! Kun pag-ininop man la ngan pagyinakan hin waray haros, igo ko na la ako ngahaw,— binmaton an pilosopo nga tinmawa hin makaturukso; —kundi, may ada ko hinnunumduman. Diri ka nahapapausa hinin gawi hinin aton bungto? Makimamingaw kundi ruruyagon hin mga paguwa nga maaringasa, hin mga araway nga pinanhihiawasan hin dugo; makitutupungon ha igkasi, kundi nasisindak hin mga emperador, mga hadi ug mga prinsipe; waray tuluuhan, kundi nagpapakautang tungod han pagdiyos,’ inin aton kababayin’an magtam-is in mga ginawian, kundi nanhihinangpot kun in usa nga prinsesa nagamon hin bangkaw . . . maaram ka kay ano ini nga kasugad? Ada . . .
An pag-abot ni Maria Clara ngan han iya kasangkayan nakautod han himangraw. Kinarawat hira ni D. Filipo ngan iya binunyugan ngadto han ira lingkuran. Sunod ha ira an padi ngan hin usa pa nga pransiskano ngan hin kakatsilaan. Upod man liwat han padi in iba pa nga bungtuhanon nga burubunyog han mga prayle, bantay ha ira kun ngain pagkalakat.
— Pagbalsan man unta hira sa Dios didto ha lain nga kinabuhi!— nagmugo an tigurang nga Tasyo ngan pumaharayo.
An paguwa tinikangan nira Chananay ngan Marianito han Crispino e la Comare.(1) Ngadto ha paguruwaan ngata-
