numpa han iya marahalon nga ngaran, waray na gad man
hini inin bata hisayop! Adin ikatulo na man akon.
Ngan an ikatulo nga sugo ginpatalagudti ngan ginsuay, ngan katapos basaha han mga higayon nga hinsasal'an patok hini nga sugo, sumiplat liwat tipakadto ha may higdaan; kundi hini nga paglingi, pinalos anay han tigurang an iya salaming dida ha irong ngan mamahid han mata: nakakita han iya umangkon nga dinmara hin panyo ha bayhon daw tuyo in pamahid hin luha.
—Mm!nganiya.—nganiya. ehem! Kairo man nahangaturog nga nagwawali.
Ngan ibalik pagbutang an iya salaming didto ha katapusan han iya irong ngan sumiring ha iya la ngahaw:
—Yana kitaa ta; kay waray paglihi han mga adlaw nga iglilihi, bangin liwat waray pagtahod han iya amay ug han iya iroy.
Ngan basahon an ikaupat nga sugo hin labi pa kauyam ug kamaharaal nga tingog, an iya tuyo basi magmakataragob an pag-isip sugad han hinkit'an na niya nakadamo ha mga prayle: hi Dada Isabel waray pa makakita nga magwali in usa nga kwakero, kay kun daw nakakita na tingali man kinmurog.
Igo man la nga an daraga nakakadamo na dadara hin panyo ngada ha bayhon, ngan an iya pagginhawa nagtitikamasiwat nga an tuman na la nga inaabat.
—Kamaupay nga kasingkasing! —an isip han tigu- rang; hiya nga matinumanon ug masugot han ngatanan! Ako, nadarudamo an akon mga sala kundi waray gud ako hibaro pagtuok hin ungud-ungod.
Ngan tikangan an ikalima nga sugo hin haruhalaba nga pagturuok ug uraura pa kamaharaal nga tingog, upod in pangahas nga dako, salit waray na pakabati han iya umangkon nga nagnginginuyngoy. Dida na lugaring hin usa nga paghunong, katikang pagbasa han mahatutugnod han pakamatay dara hin salsalon, umabat han makasasala nga nagbibinikhuon. Tungod hini an tigurang binmalhin, ibinasa han nahisasalin ngà mga sugo in tingog nga kanan nasisina, ngan han pakakita han iya umangkon nga nagtitinuok la gihapon:
—Tangis, iday, tangis! —sidngon, nagtiharani han higdaan; —darudamo ngani nga luha madarudali man an pagpasaylo ha imo sa Dios. Kasakit ha paghinulsol nga kontrisyon kay mauruupay, ayaw han atrisyon (3) Tangis,
