silaan nga nagpapakanhi ha Pilipinas diri kami asya an angay gud; akon ini ginluluwas tungod han usa mo nga apoy ngan tungod man liwat han mga kaaway han imo amay. An masukot nga pagkaliwanliwan, an kamahugaw na han ginawian han mga labaw, an paggipaugup-ugop, an kabarato ug kahalipot na han pagsakay tikanhi, amo an sayop hito ngatanan; say nagpapakanihi an labi kamagraot didto ha Peninsula, ngan kun may nahanganganhi nga maupay, hindadarahiga.n dayon han maraot dinhi hini nga tuna. Ta, an imo amay bisan kun baga iginkakaupay han padi ngan hin kadam’an nga tawo, may damo niya hin duro nga mga kaaway dida han mga didtuanon nga dida han kakatsilaan.
Dinhi inmukoy hiya nadaliay.
—Mga ikapira kabulan tikang ka nagikan, nagtikang an mga kasiribton ha buot nira ngan hi P. Damaso, waray ko gud matukib kun ano an totoo nga tinikangan. An iginsasala ha iya ni Fr. Damaso amo an kadiri pagkumpisal; dan hani waray man adto hiya gihapon kukumpisal, kundi magsangkay hira hin maupay, sabuot ko nahanunumdom ka pa. Labot pa. hi D. Rafael usa nga maupay gud in dungog nga tawo ngan labi pa kamatadong han damo nga mga parapangumpisal; may ada la niya mahugot nga lagda han ginawian nga gintutuman niya ha iya la ngahaw, ngan danay, kun hinnanabihan niya ini nga mga kasiribton, mamulong hiya ha akon hin pagkasiring: “Senyor Guevara, hunahuna mo igpapasaylo sa Dios in usa nga dako nga sala, pananglit an pagpatay hin tawo, tungod la kay iginsumat mo hin usa nga padi, tawo man la ngahaw nga sugad ha aton, nga may katungdanan hin paghilom, ngan tungod la kay ikinahadlok mo hin katubod 'ha impyerno, nga amo an kahulugan han acto de atricion? Tungod kay ikaw nagpakita han imo kamatalaw ug kawaray alo nga gayod? Lain la iton akon pagdiyos, siring pa hin iya; an baga ha akon, diri nauupay an maraot hin igkasi maraot ngan diri iginpapasaylo an sala hin mga luha nga waray hinpapatungdan ngan hin paglimos ha singbahan. lini in akon pananglitanan: kun ako, pananglit, nagpatay hin tawo nga may asawa ug may mga anak, ginbalo ko in usa nga himyang nga asawa ug ginilo ko in maglipayan nga kabataan, makakatuang ba ako han gihahataasi nga Katadungan kun ako mahikog, itapod ko an akon binuhat ha usa nga makikialayon ha akon hin
