diri nabubulong hin igkasi karat'an ngan ini nga kasugad kita hini ngatanan in may sala.
Hi Elias waray na baton, tinmungok, nagbinugsay ngan han pag-abot ha baybayon manamilit kan Ibarra pagkasiring:
―Salamat ha imo, senyor, han imo pakig-angay ha akon; tungod ha imo la ngahaw pinangangaro ko nga tikang yana hingalimtan mo ako ngan diri ka na ha akon maglabot ha bisan diin nga aton pagkakita.
Katapos hini pamulong iduso liwat an baluto ngan magbinugsay tipakadto hin usa nga kasuksukan ha tabi han danaw. Hamtang hiya nagsasakay waray gud pag- vakan baga sugad hin waray iba nga ginkikinita kun diri an kadam'an nga diamante nga nagrararanggat kun nauukay an tubig ha ikinapagbugsay. ngan nabalik la liwat pagkawawara dida han mga tagumon nga balod han danaw.
Waray kaiha umabot; usa katawo ha kasuksukan dinmaop.
―Ano in igsusumat ko han kapitan?― nagpakiana.
―Sidnga nga hi Elias, kun diri pa mamatay, magtutuman han iya pulong, binmaton hin masamdong nga pulong.
―Ta, kay sano ka man pakakadi pagtampo ha amon?
―Kun hunahunaon na han iyo kapitan nga uras na han kataragman.
―Ta, maupay, makadi na ako!
―Gabay mamatay anay!― nagmugo hi Elias hamtang an usa nagtitiharayo.
An aluhanon nga Linares nagkukuriot ngan waray_himumutang pagkakarawat pa la hin surat tikang kan Da. Victorina nga nasiring hito:
"Jenegugma nga fatod: Ja ika tulo kaadlaw guinlala umanko con finatay ca na jan alperez okon icao man haiya dirina ka angaian majaquos fain osaka adlaw nga ito nga mananap diriko marauat han eya castigo kon majagos ini nga tala an nga deri mo pa hiya faquiauayan egso sumat cocan don Santiago nga uaray ka pag secretario ngan deri ca eguen kakaentremis ni Canobas ngan derika para cadto
